اسٹیٹ بینک نے شرح سود میں ڈیڑھ فیصد کمی کردی

اسٹیٹ بینک نے نئی مانیٹری پالیسی جاری کردی

اسٹیٹ بینک نے شرح سود میں ڈیڑھ فیصد کمی کردی،شرح سود 22فیصد سے کم ہوکر20.5 فیصد ہو گئی، اسٹیٹ بینک نے نئی مانیٹری پالیسی کا اعلان کیا ہے، نئی پالیسی کے مطابق اسٹیٹ بینک نے شرح سود میں ڈیڑھ فیصد کمی کا اعلان کیا ہے، ایس بی پی اعلامیہ میں کہا گیا ہے کہ شرح سود 150 بیسسز پوائنٹس کم ہوا ہے۔

اسٹیٹ بینک کی جانب سے شرح سود میں یہ چار سالوں میں پہلی کمی اور اس بات کا واضح اشارہ ہے کہ پاکستانی معیشت ٹریک پر آنے کو ہے. شرح سود 25 جون 2023 سے 22 فیصد پر برقرار تھی۔

اسٹیٹ بینک آف پاکستان کی جانب سے جاری اعلامیہ میں کہا گیا ہے کہ ” بجٹ اعلانات اور بجلی گیس کی قیمتوں میں ردوبدل کی وجہ سے مہنگائی میں اضافے کا خدشہ ہے اور جولائی میں شرح اوپر جاسکتی ہے، جولائی تا مارچ مالی سال 24 کے دوران مالیاتی اشاروں میں بہتری کا سلسلہ جاری رہا، اپریل میں 17.3 فیصد پر رہنے والی مہنگائی کی شرح 11.8 فیصد رہ گئی”۔