اسلام آباد :پاکستان کے مخالف تو چاہتے ہیں کہ پاکستان یہ غلطی کرے:حکمت عملی اپنانا ہوگی:سفیرکی بے دخلی حل نہیں:اطلاعات کے مطابق وفاقی وزیر مذہبی امور نورالحق قادری نے کہا ہے کہ پاکستان کے دشمن چاہتےہیں کہ پاکستان فرانسیسی سفیر کونکالنے کی غلطی کرے تاکہ پاکستان کے بڑھتے ہوئے سفرکوروکا جاسکے،
نورالحق قادری کہتے ہیں کہ ٹی ایل پی کوبتایا تھافرانسیسی سفیر کی بے دخلی سے کچھ نہیں ہوگا، فرانسیسی سفیر کو نکالنے کا مطلب پورے یورپ کو اپنے خلاف کرنا ہے، یورپی یونین نے پابندی لگائی تو پاکستان کی برآمدات آدھی رہ جائیں گی، کم ازکم 10ممالک کو اس پر اسٹینڈ لینا ہوگا۔اسلامی ممالک کوچاہیے تھا کہ وہ اس مسئلے پرکھڑے ہوں لیکن ہرملک اپنا رونا رورہا ہے
انہوں نے نجی ٹی وی سے خصوصی گفتگو کرتے ہوئے کہا کہ احتجاج کرنے والوں کو کہا ہم آپ کے ساتھ ہیں، لیکن فرانس کے سفیر کو بے دخل نہیں کرسکتے، فرانس کے سفیر کو نکالنے کا مطلب پورے یورپ کو اپنے خلاف کرنا ہے، احتجاج کرنے والوں کو بتایا فرانس کے سفیر کو نکالنے سے کچھ نہیں ہوگا،
کل یہی جرمنی، ناروے اور ہالینڈ میں ہوگا تو پھر کیا کریں گے؟پاکستان کی 50 اشیاء یورپ جاتی ہیں، اگر یورپی یونین پابندی عائد کردے تو پاکستان کی برآمدآت آدھی رہ جائیں گی۔
پاکستان کوگھیرنے والے پاکستانی کی سلامتی پرکھیل رہے ہیں ، معاشی طورناکام دیکھنا چاہتے ہیں اوریہ ان کی شاطرانہ کھیل کا ایک حصہ ہے، حکمت عملی سے کام لینا ہوگا
مذہب اور سیاست کا تعلق ہے لیکن مذہب کو سیاسی فائدے کیلئے استعمال کرنے کی اجازت نہیں ہونی چاہیے۔ ناموس رسالت ﷺ کے معاملے پر ایک ملک کے اسٹینڈ لینے سے کچھ نہیں ہوگا، کم ازکم 10 سے 15 ممالک کو اس پر آواز اٹھانا ہوگی
