’اسٹرنگز‘ بینڈ کے ٹوٹنے کے بعد بینڈ کے ارکان بلال مقصود اور فیصل کپاڈیہ نے الوداعی ملاقات کی ہے۔

باغی ٹی وی : گلوکار بلال مقصود نے سوشل میڈیا ویب سائٹ انسٹاگرام پر فیصل کپاڈیہ اور دیگر دوستوں کے ہمراہ ایک گروپ فوٹو شیئر کیا۔

تصویر شیئر کرتے ہوئے بلال مقصود نے اپنی پوسٹ کے کیپشن میں لکھا کہ ’بینڈ کی الوداعی میٹنگ‘

واضح رہے کہ حال ہی میں سوشل میڈیا پر سرگرم اسٹرنگز کی جانب سے اچانک بینڈ کو ختم کرنے کا اعلان کردیا گیا اور فیصل کپاڈیا، بلال مقصود، عدیل علی، حیدر علی، احمد نیانی اور بریڈلے ڈی سوزا پر مشتمل اس بینڈ کا 33 سالہ سفر تمام ہوا۔

یہ بینڈ 1980 کی دہائی کے اختتامی سال کے دوران وجود میں آیا اور کالج کے دنوں سے ہی اس نے دھوم مچائی تاہم 33 سال کے دوران اسٹرنگز نے بے شمار مقبول گانے بنائے جنہیں پاکستان سمیت دنیا بھر میں بے حد پذیرائی ملی۔

’اسٹرنگز‘ کے خاتمے پر بینڈ کے بانی رکن اور معروف گٹارسٹ بلال مقصود کا کہنا تھا کہ وہ اور فیصل کپاڈیہ دونوں ہی بالکل عجیب محسوس کررہے ہیں۔

اسٹرنگز بینڈ کےٹوٹنےسے زیادہ مشکل کام کوئی اور نہیں ہوسکتا اسکے پیچھے کئی وجوہات ہوں گی فرحان سعید

33 سال بعد معروف پاکستانی میوزیکل بینڈ اسٹرنگزٹوٹ گیا

’اسٹرنگز‘میوزک بینڈ کے ختم ہونے کی خبر سے بھارتی بھی افسردہ

بینڈ کا یوں اچانک ٹوٹ جانا اسٹرنگز مداحوں کے لیے دل دہلا دینے والا مقام ہے