لاہور : امریکن لائسٹف سکول کے استاد کے تشدد سے دسویں جماعت کے طالبعلم کے جاں بحق ہونے کا معاملہ شدت اختیار کرگیا ، اطلاعات کے مطابق امریکن لائسٹف کے طلبا نے سکول کو آگ لگا دی۔ریسکیو 1122 نے موقع پر پہنچ کر صورت حال پر قابوپایا
ذرائع کے مطابق امریکن لائسٹف سکول گلشن راوی برانچ میں طلبا نے سکول آگ لگادی،ریسکیو 1122 نے موقع پر پہنچ کر فوری آگ پر قابو پا لیا، سکول بند ہونے سے کوئی جانی نقصان سامنے نہیں ہوا، آگ لگنے کے واقعہ کا گلشن راوی تھانے کی پولیس نے جائے وقوعہ پر پہنچ کر فوری نوٹس لیا ۔
پولیس کے مطابق آگ ہلاک ہونے والے طالب علم محمد حنین کے لواحقین کی جانب سے لگائی گئی، آگ لگانے والے دو عزیزوں کو پولیس نے حراست میں لیکر گلشن راوی تھانے منتقل کر دیا ہے جبکہ سکول کے باہر پولیس کی نفری تعینات کر دی گئی ہے۔طالب علموں نے سکول انتظامیہ کے خلاف نعرے بازی بھی کی
