سنی لیون کی ویب سیریز کی شوٹنگ کے سیٹ پر ہنگامہ

بالی وڈ اداکارہ سنی لیون کی ویب سیر یز ’انامیکا‘ کی شوٹنگ کے دوران جھگڑا ہوگیا۔

باغی ٹی وی :بھارتی میڈیا رپورٹس کے مطابق بالی وڈ ہدایت کار وکرم بھٹ نے انکشاف کیا ہے کہ ویب سیریز کے دوران فیس کے معاملے پر بڑا جھگڑا ہوا تھا۔ سیٹ پر فائٹرز ایسوسی ایشن کے ارکان نے واجبات کیلئے جھگڑا شروع کیا تھا جو اس قدر بڑھ گیا تھا کہ ہمیں سنی لیون کو وینیٹی وین میں چھپانا پڑا۔

وکرم بھٹ نے کہا کہ فائٹرز ایسوسی ایشن کے ارکان نے ہدایت کار وکرم بھٹ سے 14 لاکھ روپے دینے کا مطالبہ کیا، غنڈوں کو سیٹ پر دیکھ کر سنی لیوں خوفزدہ ہوگئیں-

ان کا کہنا ہے کہ شوٹنگ کیلئے سنی بھی سیٹ پر موجود تھیں اور ایسے میں ایکشن اسٹنٹ کرنے والوں نے فوری ادائیگی کا مطالبہ کیا تو فوری طور پر مجھے سنی لیون کی فکر ہوگئی تھی اور انہیں وینیٹی وین میں بند کیا تھا۔

وکرم بھٹ کا کہنا تھا کہ معاملہ اس قدر بڑھ گیا تھا کہ پورا دن گزر گیا جس کے باعث شوٹنگ بھی نہیں ہوسکی تھی۔

دوسری جانب ایسوسی ایشن کا کہنا ہے کہ وکرم بھٹ نے 38 لاکھ بھارتی روپے کی ادائیگی کرنا تھی تاہم وہ اس سے انکاری تھے جس پر کام کو روکا گیا تھا ۔