سپر ٹیکس کے سبب بینکوں کے منافع میں 38 فیصد کمی

0
26

سپر ٹیکس عائد کیے جانے کے سبب بینکوں کے منافع میں 38 فیصد کمی واقع ہوئی ہے۔

حکومت نے قبل از ٹیکس منافع پر 10 فیصد سپر ٹیکس عائد کیا تھا، مالی سال 2022-23کے بجٹ میں سپر ٹیکس کے نفاذ کی وجہ سے اپریل اور جون کے دوران بینکوں کی آمدنی میں سال بہ سال بنیاد پر 38 فیصد کمی دیکھی گئی۔ٹاپ لائن سیکیورٹیز کے اعدادو شمار کے مطابق سہ ماہی آمدن کی شرح 46 فیصد ریکارڈ کی گئی، حکومت نے شعبے کی مجموعی آمدنی میں کمی کی وجہ سے قبل از ٹیکس منافع پر 10 فیصد سپر ٹیکس عائد کیا ہے۔ اپریل اور جون میں سالانہ اور سہ ماہی بنیادوں پر قبل از ٹیکس منافع میں بالترتیب 37 اور 19 فیصد اضافہ ہوا اور سہ ماہی بنیادوں پر 160 ارب روپے تک کا اضافہ ہوا۔

دوسری جانب: وفاقی حکومت کی جانب سے درآمدی بل میں کمی لانے کیلیے اٹھائے جانیوالے اقدام کے باعث تجارتی خسارے میں کمی ہونا شروع ہوگئی ہے۔رواں مالی سال کے پہلے 2ماہ میں ملک کا تجارتی خسارہ 17.13 فیصد کمی سے6 ارب 26 کروڑ ڈالر رہا جبکہ اگست 2022میں تجارتی خسارہ 18 اعشاریہ 5 فیصد کمی سے 3 ارب 53 کروڑ ڈالر رہا ہے۔

اس حوالے سے وفاقی ادارہ شماریات کی جانب سے رواں مالی سال کے پہلے دو ماہ کے تجارتی اعدادوشمار جاری کردیئے گئے ہیں جن میں بتایا گیا کہ تجارتی خسارہ 17.13 فیصد کمی سے6 ارب 26 کروڑ ڈالر رہا ہے جبکہ جولائی تا اگست برآمدات میں 3.75 فیصد اضافہ ہوا اور برآمدات 4 ارب 75 کروڑ ڈالر رہیں اس کے علاوہ گزشتہ 2 ماہ میں درآمدات میں 9.25 فیصد کمی ریکارڈ کی گئی اور جولائی تا اگست درآمدات کا حجم 11 ارب ڈالر سے زیادہ رہا ہے۔ادارہ شماریات نے بتایا کہ اگست میں جولائی کی نسبت برآمدات میں 11.07 فیصد اضافہ ہوا اوربرآمدات کا حجم 2 ارب 50 کروڑ ڈالر سے زیادہ رہا ہے۔

علاوہ ازیں اوگرا نے ایل پی جی کی بلیک مارکیٹنگ روکنے کے لیے تمام چیف سیکریٹریز کو ہدایات جاری کر دی ہے چیف سیکریٹری گلگت بلکستان آزاد کشمیر اور چیف کمشنر اسلام آباد کو بھی احکامات جاری کیے گئے، ملک بھر میں صارفین کے لیے اوگرا کی ستمبر 2020 کی قیمت کو یقینی بنانا ہے، گھریلوں سیلنڈر کی قیمت 2496 روپے اور 212 روپے فی کلو مقرر کی، ایل پی جی کا گھریلو سلنڈر 75 روپے کمی سے 2496 روپے کا ہو گیا، کمرشل سلنڈر کی قیمت 9604روپے ہو گئی۔

سیلاب زدہ علاقوں میں گیس کی قیمت 250 سے 300 روپے کلو وصول کی جا رہی ہے، ایل پی جی کی بلند ترین قیمتوں پر تشویش کا اظہار کرتے ہوئے ایل پی جی انڈسٹریز ایسوسی ایشن کے چئیر مین عرفان کھوکھر نے ملک گیر ہڑتال کی کال دے دی ہے، ایل پی جی کی قیمتوں کو کنٹرول نہ کیا گیا تو 10 ستمر کو ملک گیر ہڑتال کریں گے۔

Leave a reply