سوشانت سنگھ راجپوت کی خودکشی کے کیس میں جاری تحقیقات پر اداکار شیکھر سمن تحقیقاتی ادارے پر برس پڑے –
باغی ٹی وی : بھارتی آنجہانی اداکار سوشانت سنگھ راجپوت گزشتہ برس جون میں اپنےفلیٹ میں مردہ حالت میں پائے گئے تھے۔
پولیس کی جانب سے اس کیس کو ابتدائی طور پر خودکشی قرار دیا گیا، تاہم بعدازاں عوامی دباؤ کے بعد اس کیس کی تحقیقات سینٹرل بیورو آف انویسٹیگیشن (سی بی آئی) کے سپرد کردی گئی۔
متعدد بالی ووڈ اسٹار سوشانت سنگھ راجپوت کیس میں اپنی رائے کا اظہار کرتے رہتے ہیں اداکار و کامیڈین شیکھر سمن بھی ان میں شامل ہیں
بھارتی میڈیا کے مطابق حال ہی میں مائیکروبلاگنگ ویب سائٹ ٹوئٹر پر شیکھر سمن نے ایک بیان جاری کیا جس میں انھوں نے تحقیقیاتی ادارے پر تنقید کی۔
ان کا کہنا تھا کہ سوشانت کو انصاف دلوانے کے لیے ہم نے لڑائی لڑی اور ابھی بھی لڑ رہے ہیں، تاہم انصاف دکھائی نظر نہیں آرہا۔
شیکھر کا کہنا تھا کہ آئندہ ماہ سوشانت کو ہم سے بچھڑے ایک سال مکمل ہوجائے گا بدقسمتی دیکھیے کہ کورونا وائرس آیا اور اس کیس کا توازن وبا کی آفت تلے دب گیا-
انہوں نے سی بی آئی سے سوال کرتے ہوئے پوچھا کہ کیا اب اس میں کوئی امید باقی ہے؟-
