بھارتی اداکار سوشانت سنگھ راجپوت کی پوسٹ مارٹم رپورٹ سامنے آگئی
گزشتہ روز خودکشی کرنے والے 34 سالہ نوجوان بھارتی معروف اداکار سوشانت سنگھ کی پوسٹ مارٹم رپورٹ آگئی ہے۔
باغی ٹی وی : بالی ووڈ اداکار سوشانت سنگھ نے گزشتہ روز ممبئی کے علاقے باندرا میں واقع اپنے گھر میں خودکشی کی تھی، پولیس کو جب اس واقعے کی اطلاع ملی تو بھارتی پولیس نے اداکار کی لاش تحویل میں لے کر پوسٹ مارٹم کے لیے لاش پسپتال بھیج دی تھی اور اب اسپتال انتظامیہ نے سوشانت سنگھ کی پوسٹ مارٹم رپورٹ جاری کردی ہے۔
بھارتی میڈیا کے مطابق ہسپتال انتظامیہ کی جانب سے جاری کی گئی پوسٹ مارٹم رپورٹ میں سوشانت سنگھ کی موت کی وجہ دم گھٹنا بتائی گئی ہے رپورٹ کے مطابق اداکار کا گلا پھانسی کی وجہ سے گھٹا جس کے بعد اُن کی موت واقع ہوئی۔
بھارتی میڈیا رپورٹ کے مطابق میڈیا رپورٹ کے مطابق سوشانت سنگھ کا کورونا وائرس ٹیسٹ بھی کیا گیا ہے جس کے نتائج منفی آئے ہیں جبکہ اداکار کی لاش سے کچھ نمونے فورینزک ٹیسٹ کے لیے بھی لیے گئے ہیں جس کی رپورٹ ابھی آنا باقی ہے۔
سوشانت سنگھ کے اہل خانہ ریاست بہار سے ممبئی پہنچ گئے ہیں اور اُن کی آخری رسومات آج ممبئی میں ادا کی جائیں گی-
میڈیا رپورٹس کے مطابق واقعے کی تحقیقات کے دوران پولیس کو اداکار کے گھر سے کچھ دستاویزات موصول ہوئے ہیں جن کے مطابق سوشانت سنگھ ڈپریشن کا علاج کروا رہے تھے اور اُن کے قریبی دوستوں کا بھی کہنا ہے کہ اداکار ذہنی تناؤ کا شکار تھے لیکن ابھی یہ واضح نہیں ہے کہ اُن کے ڈپریشن کی وجہ کیا تھی۔
تفتیش کے دوران جب پولیس نے اداکار کے فلیٹ میں موجود دیگر افراد سے معلومات حاصل کی تو اُنہوں نے بتایا کہ خودکشی سے پہلے سوشانت سنگھ صبح 10بجے جوس لیکر اپنے کمرے میں چلے گئے تھے اور دروازہ بند کرلیا تھا جب 12بجے تک سوشانت کمرے سے باہر نہیں آئے تو اُنہوں نے پولیس کو اطلاع دی جس کے بعد کمرے کا دروازہ توڑا اور اداکار کو مردہ حالت میں پایا گیا۔
سوشانت سنگھ نے 2013 میں بالی وڈ میں اپنے کیرئیر کا اغاز کیا تھا اور بہت سی کامیاب فلمیں کی تھیں ان کی مشہور فلموں میں پی کے، ایم ایس دھونی (دی ان ٹولڈ اسٹوری)، چھچھورے، ڈٹیکٹو بیو مکیش بخشی اور کائی پوچے جیسی فلمیں شامل ہیں۔
اور سرفراز دھوکہ دے گیا ، خود کشی کے خلاف فلم بنانے والے نے خودکشی کر لی بقلم : فردوس جمال !!!
Leave a reply
