آنجہانی اداکار سوشانت سنگھ کو بھارتی سینما کے بڑے ایوراڈ سے نوازا گیا

آنجہانی اداکار سوشانت سنگھ راجپوت کو حال ہی میں بھارت کے معتبر ایوراڈ دادا صاحب پھالکے انٹرنیشنل فلم فیسٹیول ایوارڈ 2021 میں ‘کریٹکس بیسٹ ایکٹر’ کے ایوارڈ سے نوازا گیا۔

باغی ٹی وی : بھارتی میڈیا کے مطابق حال ہی میں ممبئی میں دادا صاحب پھالکے انٹرنیشنل فلم فیسٹیول ایوارڈز 2021 کی تقریب منعقد کی گئی تھی جس میں آنجہانی اداکار سوشانت سنگھ راجپوت کو بھی ایوارڈ سے نوازا گیا۔

اس ضمن میں دادا صاحب پھالکے انٹرنیشنل فلم فیسٹیول نے اپنے آفیشل انسٹاگرام اکاؤنٹ پر ایک پوسٹ شیئر کی جس میں انہوں نے سوشانت کو ایوارڈ جیتنے پر مبارکباد پیش کی۔

خیال رہے کہ اداکار سوشانت سنگھ راجپوت نے اپنے کیرئیر کا آغاز 2008 سے ایک ٹی وی شو کیا تھا اور پھرسوشانت سنگھ راجپوت نے 2013 میں فلم ‘کائے پو چے’ سے بالی وڈ فلم انڈسٹری میں ڈیبیو کیا تھا جس میں ان کی اداکاری کو خوب پسند کیا گیا تھا۔

گزشتہ سال 14 جون کو اداکار سوشانت سنگھ راجپوت اپنے فلیٹ میں مردہ حالت میں پائے گئے تھے اور اب ان کی خودکشی کے معاملے میں سی بی آئی، ای ڈی اور این سی بی کی مختلف پہلوؤں پر تاحال تحقیقات جاری ہیں۔