سیکیورٹی وجوہات،سویڈن سفارتخانے نے اسلام آباد میں سرگرمیاں روک دیں

پاکستان میں سویڈن سفارتخانے نے سفارتی سرگرمیاں معطل کر دی ہیں،جس کی وجہ سے اوورسیز پاکستانیوں اور طلبا کو مشکلات کا سامنا کرنا پڑ رہا ہے

وفاقی دارالحکومت اسلام آباد میں موجود سویڈن سفارتخانے نے ویزہ سیکشن سمیت ہر قسم کی ڈیلنگ بند کر دی ہے،سفارتخانے کی جانب سے ویب سائٹ پر بیان جاری کیا گیا ہے جس میں کہا گیا ہے کہ سویڈن سفارتخانے نے تمام سرگرمیاں معطل کر دی ہیں، مائیگریشن سیکشن کوئی درخواست نہیں لے رہا ویزا سروسز عارضی طور پر بند کی جا رہی ہے ،ویب سائٹ ہر کہا گیا ہے کہ سیکیورٹی وجوہات کے باعث سفارتی سرگرمیاں معطل کی گئیں سفارتخانہ اپنے عملے کے افراد کو تحفظ فراہم کرنے کو ترجیح دیتا ہے،

سویڈن کا سفارتخانہ اسلام آباد میں دوبارہ کب سے کام شروع کرے گا اس حوالہ سے آگاہ نہیں کیا گیا،میڈیا رپورٹس کے مطابق سویڈن کے تعلیمی اداروں میں داخلہ لینے کے خواہشمند پاکستانی طلباء سفارتخانہ کی بندش سے سب سے زیادہ متاثر ہوں گے کیونکہ سویڈن کی یونیورسٹیوں میں نیا تعلیمی سیشن اگست سے شروع ہو رہا ہے اور ویزے کے عمل میں تقریباً 4 سے 6 ماہ لگتے ہیں اسی طرح سویڈن میں مقیم پاکستانی تارکین وطن اپنے گھر والوں کے لیے وزٹ ویزا اپلائی نہیں کر سکتے۔

پاکستانی طلباء نے بھی اس حوالے سے سیکرٹری خارجہ اسد مجید خان کو خط بھی لکھا ہے جس میں انہوں نے کہا ہے کہ سفارتخانے کی بندش کے باعث طلبہ کو ویزا کیلئے اپلائی کرنے میں مشکلات پیش آئینگی، دفتر خارجہ کو چاہیے کہ جلد سے جلد اس حوالے سے اقدامات کرے ملک بھر سے 1000 سے زائد طلبا نے سویڈن کی یونیورسٹیوں میں بی ایس، ایم فل اور پی ایچ ڈی کیلئے داخلہ کروا رکھا ہے جبکہ آدھے سے زائد طلباء اپنی فیسیں بھی جمع کروا چکے ہیں۔ سویڈن کی یونیورسٹیوں میں داخلہ لینے والے طلباء کی بائیومیٹرک انٹرویو اور فائنل ویزا پراسس کرنے کیلئے سویڈش سفارتخانہ کھلنا انتہائی ضروری ہے

چیف جسٹس آف پاکستان کیخلاف سپریم جوڈیشل کونسل میں ریفرنس دائر

نیب ترامیم کیخلاف درخواست،فیصلہ کرنے میں کوئی عجلت نہیں کرینگے،چیف جسٹس

اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس

جسٹس نقوی کیخلاف ریفرنس پر ابتدائی کارروائی شروع

جسٹس نقوی کیخلاف سپریم جوڈیشل کونسل میں ریفرنس کا معاملہ ،