میں نے کبھی انڈین فلموں کی مخالفت نہیں کی سید نور

پاکستانی فلمساز سید نور نےکرتار پور میں‌صحافیوں سے بات کرتے ہوئے کہا ہےکہ میں سمجھتا ہوں کہ مشترکہ فلمسازی وقتی ضرورت ہے. انہوں نے کہا کہ میں نے کبھی بھی انڈین فلموں کی پاکستان میں ریلیز کرنے کی مخالفت نہیں کی ، میں تو ہمیشہ اس بات پر بولا ہوں کہ انڈین فلموں کی وجہ سے پاکستانی فلموں کو شوز کم نہ دئیے جائیں. لیکن جب جب انڈین فلموں کی ریلیز پاکستان میں ہوئی ہے پاکستانی فلموں کو شوز نہیں دئیے گئے جو کہ زیادتی ہے.

انہوں نے کہا کہ ”میں گپی گریوال کے ساتھ ایک فلم بنانا چاہتا ہوں ، مجھے امید ہے کہ ایسا ضرور ہو گا ”. حالات بہت جلد اتنے بہتر ہوجائیں گے انہوں نے کہا کہ پاکستان میں‌اس وقت بہت اچھا کام ہورہا ہے دونوں فلموں کے فنکار باصلاحیت ہیں، دونوں ملکوں کے فنکار اور فلمساز مل کر کام کریں گے تو دونوں ملکوں کی پنجابی انڈسٹری کو فائدہ ہوگا. سید نور نے کہا کہ گپی گریوال کا کرتار پور آنا اور ہم سب سے ملنا بہت ہی خوش آئند ہے. سید نور نے مزید یہ بھی کہا کہ ”میری فلم للکارا سنگھ ان لاہور بھی ایک بہترین فلم ہو گی ، اور دونوں ملکوں کے حالات بہت جلد بہتر ہوجائیں گے”.

کرتار پور میں گپی گریوال اور پاکستانی فنکاروں کا اکٹھ

پاکستانی کرکٹرز مجھے "میسج” کرتے ہیں،اداکارہ نوال سعید کا انکشاف

اللہ کی رحمت کو اپنی چالاکی مت سمجھیں قیصر پیا