ٹی ٹوئنٹی ورلڈ کپ کا فائنل میچ بارش سے متاثر ہونے کا خدشہ

میلبورن: میلبورن میں اتوار کوانٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کا فائنل میچ بارش سے متاثر ہونے کا خدشہ ہے-

باغی ٹی وی : آسٹریلوی محکمہ موسمیات کے مطابق اتوار کے روز میلبورن میں بارش کے 95 فیصد امکانات ہیں، اگرچہ پیر کے روز ریزرو ڈے مختص کیا گیا تاہم اس روز بھی بارش کی پیشگوئی ہے اس سے قبل بھی میلبورن میں سپر 12 راؤنڈ کے کئی میچز بارش سے متاثر ہوئے۔

انگلش ٹیم کو بھارت کیخلاف سیمی فائنل سے قبل دھچکا

پاکستان ٹیم فائنل کیلئے کوالیفائی کرچکی ہے جبکہ دوسری ٹیم کا فیصلہ آج ایڈیلیڈ میں بھارت اور انگلینڈ کے درمیان سیمی فائنل کے بعد ہوگا آج کے میچ کی فاتح ٹیم اتوار 13 نومبر کو ٹی ٹوئنٹی ورلڈ کپ 2022 کے فائنل میں پاکستان سے مقابلہ کرے گی تاہم محکمہ موسمیات کی جاب سے فائنل میچ بارش سے متاثر ہونے کا خدشہ ظاہر کیا گیا ہے-

ورلڈ کپ کی پلیئنگ کنڈیشنز کے مطابق اگر فائنل یا سیمی فائنل بارش سے متاثر ہوئے تو مقابلہ ریزرو ڈے پر جاری رہے گا تاہم آسٹریلوی محکمہ موسمیات کی پیشگوئی کے مطابق پیر کو بھی موسم کچھ زیادہ بہتر نہیں اور بارش کے پچانوے فیصد امکانات ہیں۔

آئی سی سی کا کہنا ہے کہ ان کی پہلی ترجیح میچ کو شیڈولڈ دن پر ہی مکمل کرنا ہے۔

جیت میں ہار میں، خوشی میں غم میں ہم ایک ہیں،شاداب خان

ٹورنامنٹ قوانین کے مطابق میچ مکمل تصور کرنے کیلئے اننگز میں کم از کم دس، دس اوورز کا کھیل لازمی ہے، بارش کی صورت میں میچ ریزرو ڈے پر وہیں سے شروع ہوگا جہاں سے وہ رکا تھا اگر بارش کی وجہ سے بالکل بھی کھیل ممکن نہ ہوا تو پھر دونوں فائنلسٹ ٹیموں کو مشترکہ فاتح قرار دے دیا جائے گا۔

واضح رہے کہ بارش کی وجہ سے میلبرن میں تین میچز منسوخ ہوئے جبکہ ایک میچ کا نتیجہ ڈک ورتھ میتھڈ پر حاصل کیا گیا جبکہ سپر 12 مرحلےمیں پاک بھارت میچ سے قبل بھی بارش کی پیشگوئی تھی تاہم اس وقت موسم صاف رہا تھا اور فائنل میں مکمل کھیل ہوا تھا۔