ٹی ٹوئنٹی ورلڈکپ 2024 کی میزبانی امریکا اور ویسٹ انڈیزکو نہ ملنے کا امکان

انٹرنیشنل کرکٹ کونسل (آئی سی سی) کی جانب سے 2024 میں ٹی ٹوئنٹی ورلڈکپ کی میزبانی امریکا اور ویسٹ انڈیز کے بجائے کسی اور کو دیئے جانے کا امکان ہے۔

باغی ٹی وی : غیر ملکی میڈیا کے مطابق وینیو منتقل کرنے کی وجہ امریکا میں کرکٹ انفراسٹرکچر کا فقدان اورغیرمعیاری کرکٹ اسٹیڈیمز کا ہونا ہے، آئی سی سی ٹی ٹوئنٹی ورلڈکپ کی میزبانی کرنے کی درخواست انگلینڈ سے کرسکتا ہے۔ اس سے قبل آئی سی سی نے میزبانی کی ذمہ داری ویسٹ انڈیز اور امریکا کو دی تھیں۔

کرکٹ آسٹریلیا ورلڈ ٹیسٹ چیمپئن شپ ٹیم کا اعلان، بابراعظم بھی شامل

اس حوالے سے سابق چیئرمین امریکی کرکٹ، ڈاکٹر اتُل رائے کا کہنا ہے کہ امریکا میں موجودہ حالت دیکھ کر ورلڈکپ کی میزبانی مشکل لگتی ہے امریکا میں موجودہ سہولیات آئی سی سی کے معیار کے برابر نہیں ہیں، اب یہ آئی سی سی کا فیصلہ ہے کہ وہ امریکا میں اسٹیڈیمز پر سرمایہ کاری کرے یا میزبانی دوسرے ملک کو دیتا ہے۔

حسن علی نے سرفراز کو کراچی کا سلمان خان قرار دے دیا