ابوظہبی :ٹی ٹوئنٹی ورلڈ کپ: بنگلہ دیش کا انگلینڈ کو جیت کے لیے 125 رنز کا آسان ہدف ،اطلاعات کے مطابق ٹی ٹوئنٹی ورلڈ کپ کے گروپ ون کے میچ میں بنگلہ دیش نے پہلے بیٹنگ کرتے ہوئے انگلینڈ کو جیت کے لیے 125 رنز کا ہدف دے دیا۔
ابوظبی کے شیخ زاید کرکٹ اسٹیڈیم میں کھیلے جارہے میچ میں بنگلہ دیش نے ٹاس جیت کر پہلے خود بیٹنگ کا فیصلہ کیا۔
بنگلہ دیش کے دونوں اوپنرز لٹن داس اور محمد نعیم 14 کے مجموعے پر پویلین لوٹ گئے، دونوں بلے بازوں کو معین علی نے آؤٹ کیا۔
Moeen Ali with back-to-back strikes 👊
His brilliant form with the ball in the Powerplay continues as he dismisses both the Bangladesh openers. #T20WorldCup | #ENGvBAN | https://t.co/lyuqx14WKz pic.twitter.com/afjunfVwcX
— T20 World Cup (@T20WorldCup) October 27, 2021
تیسرے نمبر پر آنے والے شکیب الحسن بھی بلے بازی میں متاثر کن کارکردگی دکھانے میں ناکام رہے اور 26 کے مجموعے پر 4 رنز بنا کر کرس ووکس کا شکار بنے۔اس کے بعد مشفیق الرحیم 29 اور محمود اللہ 19 رنز بنا کر آؤٹ ہوئے۔
قبل ازیں بنگلہ دیشی کپتان محمود اللہ نے ٹاس جیت کر کہا کہ وکٹ، بیٹنگ کے لیے سازگار لگ رہی ہے اور زیادہ سے زیادہ ہدف دینے کی کوشش کریں گے۔ٹیم میں ایک تبدیلی کی گئی ہے اور شریف الاسلام کو ٹیم کا حصہ بنایا گیا ہے۔
انگلینڈ کے کپتان اوئن مورگن نے کہا کہ آئی پی ایل میں اس وکٹ پر بہت کھیلا ہے اور یہ اس وقت کی طرح آج بھی اچھی لگ رہی ہے۔
ورلڈ کپ میں اس سے قبل میچ میں سری لنکا نے بنگلہ دیش کو 5 وکٹ سے شکست دی تھی جبکہ انگلینڈ نے ویسٹ انڈیز کو 6 وکٹ سے ہرایا ہے۔
دونوں ٹیمیں ان کھلاڑیوں پر مشتمل ہیں:
انگلینڈ:
اوئن مورگن (کپتان)، جیسن روئے، جوز بٹلر، ڈیوڈ ملان، جونی بیئراسٹو، لیام لیونگسٹن، معین علی، کرس ووکس، کرس جورڈن، عادل رشید اور ٹائمل ملز
بنگلہ دیش:
محموداللہ (کپتان)، لٹن داس، محمد نعیم، شکیب الحسن، مشفیق الرحیم، عفیف حسین، نورالحسن، مہدی حسن، شریف الاسلام، نسم احمد اور مستفیض الرحمٰن
