ٹی 20 ورلڈ کپ کے سلسلے میں پی سی بی نے بھارت سے اہم مطالبہ کردیا

ٹی 20 ورلڈ کپ: پی سی بی کا بھارت سے اہم مطالبہ

باغی ٹی وی : چئیرمین پی سی بی احسان مانی کا کہنا ہے کہ بھارت نے آفیشلز، فینز اور میڈیا کے ویزوں اور سیکیورٹی کی یقین دہانی نہ کروائی تو آئی سی سی سے ورلڈکپ کا وینیو تبدیل کرنے کا مطالبہ کریں گے، مارچ کےآخر تک گارنٹی نہ ملی تو یو اے ای میں ٹی ٹونٹی ورلڈ کپ کروانے کا کہیں گے۔

لاہور میں میڈیا سے گفتگو کرتے ہوئے چئیرمین پی سی بی احسان مانی نے کہا کہ آئی سی سی کو بھارت سے تحریری گارنٹی لیکر دینے کا کہا ہے، بھارت نے آئی سی سی کو ویزوں اور سیکیورٹی کے حوالے سے دسمبر میں بتانا تھا، بھارت کےآئی سی سی ٹیسٹ چیمپئین شپ کےفائنل میں پہنچنےکی وجہ سے ایشیا کپ ممکن نہیں ہوگا، لیکن ان کا کہنا تھا کہ بگ تھری ختم ہوگئی مائنڈسیٹ باقی ہے۔

چیئرمین کرکٹ بورڈ نے کہا بھارت نے آئی سی سی کو اس سلسلے میں دسمبر میں بتانا تھا، لیکن تاحال نہیں بتایا گیا، اگر گارنٹی نہ ملی تو یو اے ای میں ٹی 20 ورلڈ کپ کا کہیں گے۔

پی سی بی چیئرمین نے کہا ستمبر میں میری مدت مکمل ہو رہی ہے، اگر کام جاری رکھنے کا کہا گیا تو دیکھوں گا، وسیم خان اہم کام کر رہے ہیں، میں چاہتا ہوں کہ انھیں 3 سال کی توسیع ملے۔

پی ایس ایل ترانے سے متعلق انھوں نے بتایا کہ یہ سب کی مشاورت سے تیار کیا گیا ہے، بہت کم لوگ ہیں جنھیں پی ایس یل ترانہ پسند نہیں آیا۔