تحریک انصاف نے این اے 249 کے نتائج مسترد کردیے،
پی ٹی آئی لیڈر خرم شیر زمان کا کہنا ہے کہ انتخابات میں الیکشن کمیشن اور پولیس کےذریعے دھاندلی کی گئی، پوری الیکشن مہم میں الیکشن کمیشن کا کردار جانبدار رہا،الیکشن کمیشن شفاف انتخابات کرانے میں مکمل ناکام رہا ہے،
انھوں نے مزید کہا کہ پیپلزپارٹیی اور ن لیگ کہیں الیکشن مہم میں ظاہر ہی نہیں تھی، تمام سروے میں تحریک انصاف کامیابی حاصل کررہی تھی، الیکشن کے دن اچانک پیپلزپارٹی اور ن لیگ سامنے آگئے، پیپلزپارٹی کا حلقے میں ووٹ موجود نہیں اتنے ووٹ کہاں سے ملے، نوابشاہ سے آئے ڈی ایم او نے اپنا حق ادا کیا ہے، تحریک انصاف اپنا مزید لائحہ عمل کل پریس کانفرنس میں دے گی،
واضع رہے کہ این اے 249کراچی کا ضمنی انتخاب پیپلز پارٹی کے امیدوار قادر خان مندو خیل نے جیت لیا یوں پی ٹی آئی اپنی اس نشست سے محروم ہوگئ۔
پیپلزپارٹی کے قادرخان مندوخیل 16156 ووٹ لے کر کامیاب ہوئے،ن لیگ کے مفتاح اسماعیل15473 ووٹ لے کر دوسرے نمبر پر رہے۔ٹی ایل پی کے نذیر احمد 11125 ووٹ لے کر تیسرے، پی ایس پی کے مصطفیٰ کمال 9227 ووٹ لے کر چوتھے، پی ٹی آئی کے امجد آفریدی 8922 ووٹ لے کر پانچویں اور ایم کیوایم کے حافظ محمد مرسلین 7511 ووٹ لے کر چھٹے نمبر پر ہیں۔
