تنہائی میں شوہر سے ملنا چاہتی ہوں، بشریٰ بی بی کی درخواست
بشری بی بی نے عمران خان سے تنہائی میں ملاقات کےلیے اسلام آباد ہائی کورٹ میں درخواست دائر کردی
عمران خان کی اہلیہ بشریٰ بی بی نے اسلام آباد ہائیکورٹ میں درخواست دائر کی ہے جس میں کہا ہے کہ اہلکاروں کی موجودگی میں ملاقات کے باعث خاندان کے معاملات پر بات نہیں ہوپاتی،استدعا ہےکہ سپریٹنڈنٹ اڈیالہ کو میری شوہر سےتنہائی میں ملاقات کیلئےاحکامات جاری کئے جائیں
دوسری جانب اسلام آباد ہائی کورٹ میں دائر کی گئی شریٰ بیگم کی درخواست پر رجسٹرار آفس کے اعتراضات برقرار ہیں، اسلام آباد ہائی کورٹ کے جسٹس طارق محمود جہانگیری نے درخواست گزار بشریٰ بی بی کو درخواست پر اعتراضات دور کرنے کی ہدایت کر دی۔عدالت نے ہدایت کی ہے کہ درخواست گزار 7 روز میں رجسٹرار آفس کے اعتراضات دور کریں، درخواست گزار درخواست کے ساتھ متعلقہ دستاویزات بھی منسلک کریں
واضح رہے کہ گزشتہ روز بشریٰ بی بی نے مقدمات کی تفصیلات کے لیے اسلام آباد ہائی کورٹ میں درخواست دائر کی تھی۔بشریٰ بی بی کی جانب سے درخواست میں استدعا کی گئی تھی کہ تمام اداروں سے مقدمات کی تفصیلات طلب کی جائیں، اس درخواست پر فیصلہ آنے تک کسی بھی مقدمے میں گرفتاری یا طلبی سے روکا جائے.
عمران خان کی گرفتاری کو اعلیٰ عدالت میں چیلنج کرنے کا اعلان
عمران خان کی گرفتاری کیسے ہوئی؟
چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا
Leave a reply
