دنیا کے طاقتور پاسپورٹ کی فہرست جاری،پاکستان کا کونسا نمبر؟

دبئی: متحدہ عرب امارات کے پاسپورٹ کو 2024کی پہلی سہ ماہی کے دوران دنیا میں سب سے طاقتور سفری دستاویز قرار دیا گیا ہے۔

باغی ٹی وی: آرٹن کیپیٹل کی جانب سے 2024 کی پاسپورٹ رینکنگ میں 98 ویں نمبر تک ممالک کی درجہ بندی کی گئی، رینکنگ میں طاقتور پاسپورٹ کیلئے یہ دیکھا گیا کہ ویزا کے بغیر کتنے ممالک کا سفر کرنے کی اجازت ہے دنیا کے طاقتور ترین پاسپورٹس کی فہرست میں متحدہ عرب امارات(یو اے ای)کا نام سرفہرست رہا،یو اے ای کا پاسپورٹ رکھنے والے افراد ویزا لیے بغیر 180ممالک کا سفر کرسکتے ہیں۔

دوسری نمبر پر جرمنی، اسپین، فرانس، اٹلی اور نیدرلینڈز مشترکہ طور پر رہے ان ممالک کے شہریوں کو 178ممالک میں جانے کے لیے ویزے کی ضرورت نہیں،سوئیڈن، فن لینڈ، لگسمبرگ، آسٹریا اور سوئٹزر لینڈ کے پاسپورٹس تیسرے نمبر پر رہے ان ممالک میں 177 ممالک کا سفر ویزے کےبغیر کرسکتے ہیں جبکہ ڈنمارک، بیلجیئم، پرتگال،پولینڈ، آئرلینڈ اور جنوبی کوریا کے پاسپورٹس پر 176ممالک کا سفر ویزے کے بغیر کرنا ممکن ہے اور یہ فہرست میں مشترکہ طور پر چوتھے نمبر پر ہیں۔

امریکی سفیر کی نگراں وزیرخارجہ سے ملاقات

5واں نمبر مشترکہ طور پرسنگاپور، یونان، چیک ریپبلک، برطانیہ، ہنگری، جاپان اور نیوزی لینڈ کے نام رہا جن کے شہری 175ممالک میں پاسپورٹ دکھا کر ویزے کے بغیر داخل ہوسکتے ہیں،اس فہرست میں پاکستان کمزور ترین پاسپورٹ رکھنے والا 5واں ملک قرار پایا جو مجموعی طور پر 94ویں نمبر پر موجود ہے پاکستانی پاسپورٹ پر 47ممالک میں ویزا فری سفر یا ویزا آن ارائیول کی سہولت دستیاب ہے،اس فہرست میں یمن، بنگلہ دیش، لیبیا اور یہاں تک کہ فلسطین کو بھی پاکستان سے اوپر رکھا گیا ہے۔

یمن (93ویں)، بنگلا دیش (92ویں)،لیبیا اور فلسطین (91ویں)، سوڈان، اریٹریااور ایران (90ویں نمبر پر)پاکستان کے مقابلے میں زیادہ طاقت ور پاسپورٹ قرار پائے پاکستان سے نیچے صومالیہ (95ویں نمبر پر)، عراق (96ویں نمبر پر)افغانستان (97ویں نمبر پر)اور شام (98ویں نمبر پر)موجود ہیں-

پاکستان میں کورونا کی نئی قسم کے پھیلاؤ میں تیزی