تسمانیہ کے ساحل پر پھنس کر 200 وہیل مچھلیاں ہلاک ہو گئیں

آسٹریلیا کی ریاست تسمانیہ کے ساحل پر پھنس کر 200 وہیل مچھلیاں ہلاک ہو گئیں۔

باغی ٹی وی : سی این این کے مطابق تسمانیہ کے محکمہ قدرتی وسائل و ماحولیات کی جانب سے جاری بیان میں بتایا گیا کہ 235 پائلٹ وہیلز ساحل پر پھنس گئی تھیں اس حوالے سے ماہرین کا کہنا تھا کہ تسمانیہ کے ساحل پرخوراک کی تلاش میں آنے والا وہیل کا غول ساحل پر پھنس گیا تھا۔

ریسکیو حکام کا کہنا ہے کہ ساحل پر پھنسی 200 وہیل مچھلیاں مر گئیں ہیں35 مچھلیوں کو سخت محنت کے بعد بچا لیا گیا ہے محکمہ وائلڈ لائف کے آنےسے قبل مقامی افراد نے مچھلیوں پر بالٹیوں سے پانی ڈال کر انہیں زندہ رکھنے کی کوشش کی ۔

فوٹو: سی این این

وائلڈ لائف اہلکاروں نے بتایا کہ ساحل کے ایک وسیع حصے پر سیاہ اور چمکدار ممالیہ وہیل مچھلیاں ریت کے اندر بری طرح پھنس گئیں۔ بدقسمتی سے بڑی تعداد میں مچھلیاں ماری گئیں۔

وائلڈ لائف آپریشن مینیجر نے بتایا کہ وہیل مچھلیاں گہرے پانیوں میں رہتی ہے اسی لیے کم پانی والے حصے میں آنے پر ان کے پھنس جانے کا امکان ہوتا ہے ہماری توجہ بچ جانے والی مچھلیوں کو واپس سمندر میں بھیجنے پر مرکوز ہےبدھ کو اسی ساحل پر 12 وہیل مچھلیوں کی ہلاکت کی خبر سامنے آئی تھی۔

فوٹو: سی این این

تسمانیہ پارکس اینڈ وائلڈ لائف سروس کے برینڈن کلارک نے جمعرات کو آسٹریلیا براڈکاسٹنگ کارپوریشن کو بتایا، "ہم آج صبح بنیادی طور پر اس ریسکیو آپریشن میں شامل ہونے اور وہیلوں کو چھوڑنے پر مرکوز ہیں ہمیں امید ہے کہ ان میں سے کچھ خود ساحل سمندر پر پہنچ سکتی ہیں اور اس لیے ہم اس کی نگرانی کریں گے۔

واضح رہے کہ 2020 میں تسمانیہ ہی میں بہت بڑی تعداد میں وہیل مچھلیوں کے پھنس جانے کا واقعہ پیش آیا تھا جس میں 470 وہیل مچھلیاں ریاست کے مغربی ساحل پر پھنس کر رہ گئی تھیں۔