ٹیکس نادہندگان کیخلاف کارروائی کی تیاری مکمل، ٹیکس لیے بغیر اب گزارا نہیں،ایف بی آر

نہ کسی سے زیادتی ہو گی نہ زائد ٹیکس لیں گے
0
92
FBR

لاہور: فیڈرل بورڈ آف ریونیو (ایف بی آر) نے ٹیکس نادہندگان کے خلاف کارروائی کی تیاری مکمل کر لی، چند روز تک ٹیکنس نادہندہ تاجروں اور صنعت کاروں کو حتمی نوٹس دے دیئے جائیں گے-

باغی ٹی وی : ایف بی آر حکام کے مطابق آئی ایم ایف معاہدے کے مطابق ٹیکس ٹو جی ڈی پی بڑھانا ہے، نہ کسی سے زیادتی ہو گی نہ زائد ٹیکس لیں گے، تمام قانونی تقاضے پورے کر لیے ہیں، ٹیکس لیے بغیر اب گزارا نہیں، حکومت سنجیدہ ہے،چند روز تک ٹیکنس نادہندہ تاجروں اور صنعت کاروں کو حتمی نوٹس مل جائیں گے-

ذرائع کے مطابق جن تاجروں اور صنعت کاروں کو نوٹسز بھیجے جائیں گے ان کا رہن سہن، شاہانہ اخراجات ان کے ٹیکس ڈیٹا سے مطابقت نہیں رکھتا، ان تاجروں کا ٹیکس چند ہزار جبکہ سالانہ آمدن کروڑوں میں ہے بیشتر تاجروں اور صنعتکاروں نے متعدد پلاٹس لے رکھے ہیں اور ان کے بیرون ملک بھی بزنس ہیں، کئی بار ان تاجروں اور صنعتکاروں کو پورا ٹیکس دینے کا موقع فراہم کیا گیا۔

ذرائع کے مطابق لاہور کی اکبری منڈی، شاہ عالم مارکیٹ، اعظم کلاتھ، انارکلی اور لبرٹی کے تاجروں کی فہرست تیار کر لی گئی ہے جبکہ مال روڈ، گلبرگ، فیروز پور روڈ، ماڈل ٹاؤن اور دیگر علاقوں کے تاجروں کی فہرستیں بھی تیار ہیں تاجروں کا 10 سال کا ڈیٹا اکٹھا کیا گیا ہے، دوسرے مرحلے میں پنجاب بھر کی مارکیٹوں اور بازاروں کے تاجروں کو شامل کیا جائے، عدالتوں سے بھی رجوع کر لیا، اسٹے خارج ہو جائیں گے۔

Leave a reply