بنگلور: بھارتی ریاست کرناٹک میں ٹیچر نے طالب علم کو پہلی منزل سے نیچے پھینک کر جان لے لی۔
باغی ٹی وی : بھارتی میڈیا کے مطابق ریاست کرناٹک کے گاؤں میں سرکاری اسکول میں استاد نے چوتھی جماعت کے طالبعلم کو بری طرح پیٹنے کے بعد پہلی منزل سے پھینک کر جان لے لی۔
کابل: طالبان کے ایک سینئر رہنما نے والد کےقاتل کو معاف کرکے پھانسی سے بچا لیا
پولیس نے واقعے کی اطلاع ملنے پر کارروائی کا آغاز کیا،اس سے قبل بچے کو تشدد کرکے جان سے مارنے والا استاد فرار ہوگیا، پولیس نے خدشہ ظاہر کیا ہے کہ معاملہ گھریلو تنازعہ کا نتیجہ ہے، ٹیچر نے مارپیٹ کے دوران اسکول میں پڑھانے والی بچے کی ماں کو بھی تشدد کا نشانہ بنایا۔
پولیس کے مطابق مدھاپا سرکاری اسکول میں کنٹریکٹ ٹیچر تھا،استاد کے تشدد سے مرنے والے بچے کی عمر دس سال اور اس کی شناخت بھارت کےنام سے ہوئی۔
قبل ازیں بھارتی دارالحکومت نئی دہلی میں بھی اسکول کی ٹیچر نے پانچویں جماعت کی طالبہ کو تشدد کا نشانہ بنانے کے بعد اسکول کی پہلی منزل سے نیچے پھینک دیا تھا، یہ واقعہ جمعہ کی صبح 11 بجے پیش آیا تھا جس کے بعد اسکول کے دیگر طالبعلم اور اساتذہ وہاں جمع ہوگئے تاہم پولیس موقع پر پہنچی اور ٹیچر کو حراست میں لے لیا۔
بچی کو ابتدائی طبی امداد کے لیے فوراً اسپتال منتقل کیا گیا جہاں اس کے زخموں پر مرہم پٹی کی گئی تھی پولیس سے بات کرتے ہوئے بچی نے بتایا تھا کہ اس نے کچھ غلط نہیں کیا تھا، ٹیچر نے پہلے اسے کاغذ کاٹنے والی قینچی سے مارا پھر بال کھینچے پھر ٹیچر نے اسکول کی پہلی منزل سے نیچے پھینک دیا۔
پولیس کا کہنا تھا کہ بچی کو معمولی چوٹیں آئی ہیں، اس کے علاوہ ٹیچر کو اسکول سے نکال کر واقعے کی تحقیقات شر وع کردی ہیں۔
