ارشد شریف قتل؛کینیا جانیوالی تحقیقاتی ٹیم میں تبدیلی

ارشد شریف قتل کی تحقیقات کیلئے پاکستان سے تحقیقاتی ٹیم کینیا جائے گی.

کینیا میں پولیس کی فائرنگ سے شہید ہونے والے سینئر صحافی اوراینکرارشد شریف کی میت پاکستان پہنچا دی گئی، آج پاکستان میں بھی ان کا پوسٹ مارٹم کروایا جائے گا۔ جبکہ حکومت پاکستان نے ایک نوٹیفیکشن میں کہا ہے کہ پاکستان سے ایک تحقیقاتی ٹیم جس میں اطہر وحید، ڈی آئی جی پولیس ایف آئی اے، عمر شاہد حمید ڈی ڈی جی آئی بی شامل ہونگے.

ارشد شریف کے قتل پر وزارت داخلہ نے دو رکنی اعلیٰ سطحی کمیٹی تشکیل دے دی ہے، کمیٹی میں ڈائریکٹر ایف آئی اے، ڈپٹی ڈائریکٹر آئی بی شامل ہیں، نوٹیفکیشن میں کہا گیا ہے کہ ٹحقیقاتی ٹیم فوری طور پر کینیا جائے گی، کینیا میں پاکستانی ہائی کمیشن تحقیقاتی کمیٹی کی معاونت کرے گا، کمیٹی اپنی تحقیقات مکمل کرکے وزارت داخلہ کو رپورٹ پیش کرے گی۔

اس حوالے وزیر داخلہ کا کہنا ہے کہ؛سینئر صحافی ارشد شریف کے قتل سے متعلق حقائق جاننے کے لیے تحقیقاتی ٹیم تشیل دے دی گئی ہے۔ وزیر داخلہ رانا ثنا اللہ نے اپنے ایک بیان میں کہا ہے کہ تشیل دی گئی تحقیقاتی ٹیم دو ارکان پر مشتمل ہے۔ جس میں وفاقی تحقیقاتی ادارے (ایف آئی اے) اور انٹیلی ایجنسیز کے اعلیٰ افسران شامل ہیں۔

انہوں نے کہا کہ تحقیقاتی ٹیم فوری طور پر کینیا روانہ ہو گی اور ارشد شریف قتل کیس کی تحقیقات کرے گی۔ جس کے بعد تحقیقاتی ٹیم حتمی رپورٹ وزارت داخلہ کو پیش کرے گی.

دوسری جانب سینئر صحافی اوراینکرارشد شریف کی میت پاکستان پہنچا دی گئی، میت دوحہ سے قطر ایئرواز کی پرواز کے ذریعے رات ساڑھے 12 بجے اسلام آباد ایئرپورٹ پہنچی۔اس موقع پرتحریک انصاف کے رہنما فواد چوہدری۔مراد سعید بھی موجود تھے۔لوگوں کی بڑی تعداد پاکستان پرچم اٹھائے ایئرپورٹ پہنچی اورنعرے بازی کی۔

ارشد شریف کی میت کو ایئرپورٹ سے قائداعظم انٹرنیشنل اسپتال منتقل کردیا گیا۔اہلخانہ کے مطابق ارشد شریف کا دوبارہ پوسٹمارٹم کرایا جائے گا۔ارشد شریف کی اہلیہ جویریہ صدیق نے میڈیا سے گفتگو میں کہا کہ ارشد شریف کے لیے آواز اٹھائیں۔مجھے کینیا کے صحافیوں نے بتایا کہ ارشد شریف کا قتل کیا گیا ہے۔ میری آپ سب سے گزارش ہے کہ اس کو ہائی لائٹ کریں۔

بیرون ملک جانے سے پہلے ارشد شریف کچھ مہینے پہلے اے آر وائی سے منسلک تھے، ارشد شریف کو حکومت پاکستان کی طرف سے پرائیڈ آف پرفارمنس کا ایوارڈ بھی دیا گیا تھا۔ مختلف صحافیوں کی طرف سے ارشد شریف کی کینیا میں موت کے واقعے سے متعلق تعزیتی ٹویٹ کیے گئے۔

ایک بیٹا شہید،خواہش ہے دوسرے کو بھی اللہ شہادت دے،پاک فوج کے شہید جوانوں کے والدین کے تاثرات

شہادت سے سات ماہ پہلے بیٹے کی شاد ی کی تھی،والدہ کیپٹن محمد صبیح ابرار شہید

ارشد شریف کی موت پر وزیراعظم، صدر مملکت کا اظہار افسوس

اسلام آباد ہائیکورٹ کاسیکرٹری داخلہ و خارجہ کو ارشد شریف کے اہلخانہ سے رابطے کا حکم

‏ارشد شریف کو گولی کیسے لگی؟ حقائق سامنے آ گئے

ارشد شریف کی موت،قیاس آرائیوں سے گریز کیا جائے،وفاقی وزیر اطلاعات

 وزیر اطلاعات مریم اورنگزیب ارشد شریف کی والدہ کے پاس تعزیت کے لئے پہنچ گئیں

جویریہ صدیق نے ٹویٹر پر ارشد شریف کی جانب سے مریم نواز کی والدہ کے لیے دعا کا سکرین شاٹ شیئر کیا اور مریم نواز کو مخاطب کرتے ہوئے کہا کہ کچھ شرم کر۔ اللہ سے ڈر