ٹھٹھہ :طلباء کو تعلیم کے ساتھ ساتھ کھیلوں میں حصہ لینا چاہئے

ٹھٹھہ،نامہ نگار (نامہ نگار راجہ قریشی)طلباء کو تعلیم کے ساتھ ساتھ کھیلوں میں حصہ لینا چاہئے
تفصیلات کے مطابق گورنمنٹ بوائز کیمپس اسکول مکلی میں کھیل صحت مند زندگی کا ضامن ہے اس عنوان کے تحت آج طلباء کو معلومات فراہم کی گئی طلباء کو اس دور جدید میں کھیلوں کی سرگرمیوں کی اہمیت اور متوازن خوراک کے بارے میں آگاہی دی گئی کھیل صحت مند زندگی کے حصول کیلئے نہایت ضروری ہے کوئی بھی ایسا کام جو ہماری ذہنی اور جسمانی نشوونماء میں اہم کردار ادا کرے کھیل صرف تفریح کا ذریعہ ہی نہیں بلکہ جسم کو چاق و چوبند اور صحت مند بنانے کا بھی ذریعہ ہے ،کھیلنے سے دماغ تر وتازہ ہوتا ہے اور ایسی قائدانہ صلاحیتوں کو اُبھارتا ہے جو کوئی اور چیز نہیں اُبھار سکتی جو نوجوان کھیلوں کے اصول سے واقف ہوتا ہے وہ خود کو ہر کھیل کے مطابق ڈھال سکتا ہے اور اس کیوجہ سے انکی انفرادی اور اجتماعی طور پر کام کرنے کی صلاحیتیں بھی ظاہر ہوتی ہیں کھیل کی اہمیت کو مدِ نظر رکھتے ہوئے تعلیمی اداروں نے بھی اس میدان میں قدم رکھ دیا ہے اسی لیے اب اسکول میں جب بچہ پہلا قدم رکھتا ہے تو اسے تعلیم کے ساتھ ہی کھیل کی طرف بھی متوجہ کرایا جاتا ہے۔