اسلام آباد:سیاست کا رنگ:اقتدارکا مزہ:مولانا فضل الرحمن نے تھوکا چاٹ لیا،اطلاعات کے مطابق پاکستان تحریک انصاف کی حکومت مخالف سیاسی پارٹیوں کے اتحاد پاکستان جمہوری تحریک (پی ڈی ایم) میں شامل دو بڑی جماعتوں پاکستان مسلم لیگ (ن) اور پاکستان پیپلز پارٹی کے ضمنی الیکشن میں حصہ لینے کے اعلان کے بعد جمعیت علمائے اسلام نے بھی جمعرات کو انتخابات لڑنے کا فیصلہ کر لیا.
جمعیت علمائے اسلام کے مرکزی سیکرٹری اطلاعات اسلم غوری نے برطانوی نشریاتی ادارے سے گفتگو میں بتایا کہ ان کی پارٹی ملک کے 8 قومی اور صوبائی حلقوں میں ہونے والے ضمنی انتخابات میں حصہ نہیں لے رہی تاہم شام کو ہونے والے ایک اجلاس میں پارٹی نے اپنا فیصلہ تبدیل کر لیا.
اسلم غوری کا دعوی ہے کہ ضمنی انتخابات میں سے دو نشستیں جے یو آئی کی ہیں واضح رہے کہ خیبر پ±ختونخوا کے ضلع کرم میں قومی اسمبلی کی نشست این اے 45 پرجیتنے والے رکن قومی اسمبلی منیراورکزئی کا تعلق جے یو آئی سے تھا لیکن وہ دو جون، 2020 میں کورونا وائرس سے چل بسے اسی طرح بلوچستان کے علاقے پشین میں صوبائی اسمبلی کی نششت پی بی 20 جے یوآئی( ف) کے راہنما سید فضل آغا کے انتقال کے باعث خالی ہوئی تھی.
یاد رہے کہ اس سے پہلے مولانا فضل الرحمن نے اعلان کیا تھا کہ وہ اسمبلیوں سے استعفے دے رہے ہیں اورضمنی الیکشن میں حصہ نہیں لیں گے ، مگرتھوڑے دنوں کے بعد اپنے منہ سے نکالے ہوئے تاریخی اعلان سے دستبردار ہوگئے ہیں.
