ممبئی: بھارت میں ریلیز ہونے والی متنازع فلم ’دی کشمیر فائلز‘ پر بالی ووڈ اداکار سلمان خان نے مبارک باد پیش کی ہے۔
باغی ٹی وی : بھارتی میڈیا رپورٹس کے مطابق وویک اگنی ہوتری کی ہدایت کاری میں بننے والی فلم دی کشمیر فائلز میں کشمیر وادی کی تاریخ کو مسخ کرے پیش کیا گیا اور ہندوپنڈتوں کو مظلوم جبکہ مسلمانوں کو دہشت گرد کے طور پر دکھایا گیا ہے۔
کنگنا رناوت نے” کشمیرفائلز” کی تعریفوں کے پل باندھ دئیے
اس مسلم مخالف فلم کے اداکار انوپم خیر نے دعویٰ کیا ہے کہ دی کشمیر فائلز کے ریلیز ہونے کے بعد سلمان خان نے انہیں فون کرکے فلم کی کامیابی کی مبارک باد دی، سلمان خان واحد اسٹار ہے جنہوں نے فلم دیکھنے کے بعد مجھ سے ذاتی طور پر رابطہ کیا اور میری اداکاری کی بھی تعریف کی۔ قبل ازیں اکشے کمار اور اجے دیوگن سمیت دیگر فلمی شخصیات نے بھی متازع فلم کے حق میں بیان دیا ہے۔
بھارتی فلم "کشمیرفائلز” کو سنسر کرنا نیوزی لینڈ کے باشندوں کی آزادی پر…
گزشتہ روز انڈیا سمٹ کے اے بی پی نیٹ ورک آئیڈیاز سے گفتگو کرتے ہوئے نواز الدین صدیقی نے کہا تھا کہ ہر فلم ساز کو حقیقی واقعات پر مبنی فلموں میں اپنا نقطہ نظر شامل کرنے کی اجازت ہونی چاہیے ابھی تک فلم دیکھی نہیں ہے لیکن جلد دیکھوں گا کیونکہ عوام اس فلم کو بڑے شوق سے دیکھ رہی ہے۔
جب ان سے کہا گیا کہ ایک مخصوص طبقے کی طرف سے اس فلم کی مخالفت کی جا رہی ہے تو نواز الدین کا جواب میں کہنا تھا کہ انہیں اس بارے میں کوئی اندازہ نہیں ہے ہر ہدایت کار کا فلم بنانے کا ایک انداز اور نقطہ نظر ہوتا ہے وویک نے اپنے نقطہ نظر سے فلم بنائی جو اچھی ہے۔ دوسرے بھی مستقبل میں اپنے نقطہ نظر سے فلمیں بنائیں گے۔ اور یہ بہت اچھا ہے۔
