کراچی: ننھی ماہم کا قاتل گرفتارہوچکا،بہت جلد اس ظالم کوقوم کےسامنے پیش کریں گے،اطلاعات کے مطابق گورنر سندھ عمران اسماعیل نے دعویٰ کیا ہے کہ ننھی ماہم کے سفاک قاتل کو گرفتار کرلیا گیا ہے، ڈی این اے رپورٹ کے بعد ملزم کی شناخت ظاہر کرینگے۔
تفصیلات کے مطابق گورنر سندھ سفاکانہ درندگی کا شکار ہونے والی ننھی ماہم کے گھر پہنچے اور اہل خانہ سے اندوہناک حادثے پر اظہار تعزیت کیا، ننھی بچی کے لئے فاتحہ خوانی کی اور اہل خانہ کو وفاق کی جانب سے ہر قسم کے تعاون کی یقین دہانی کرائی۔
مظلوم ماہم کے والدین سے تعزیت کرنے کے بعد گورنر سندھ نے کہا کہ اس سے زیادہ ظلم نہیں ہوسکتا کہ بچی سےزیادتی پھر قتل کردیا جائے، علاقے میں خوف کا سماں ہے، اس خوف کو ختم کرنا ریاست کی ذمہ داری ہے۔ان کا کہنا تھا کہ قتل کیس کا مرکزی ملزم گرفتار کرلیا ہے، ڈی این اے کے بعد مرکزی ملزم کی شناخت ظاہر کرینگے۔
یاد رہے تین روز قبل کراچی کے علاقے زمان ٹاؤن سے لاپتہ چھ سالہ بچی کی لاش برآمد ہوئی تھی، جس کے بعد بچی کی لاش کا پوسٹ مارٹم کرایا گیا ، جس میں لیڈی ڈاکٹر ثمیہ نے بچی ماہم سے زیادتی کی تصدیق کرتے ہوئے کہا تھا کہ بچی سے پہلے زیادتی کی گئی اس کےبعد قتل کیا گی
