شیخوپورہ ٹرین حادثہ، جاں بحق ہونے والے 19 سکھ یاتریوں کی آخری رسومات ادا کردی گئیں

اٹک :شیخوپورہ ٹرین حادثہ، جاں بحق ہونے والے 19 سکھ یاتریوں کی آخری رسومات ادا کردی گئیں ،اطلاعات کے مطابق شیخوپورہ ٹرین حادثے میں مرنے والے انیس سکھ یاتریوں کی آخری رسومات ادا کردی گئیں، سکھ یاتریوں کی وین پھاٹک نہ ہونےکے باعث فاروق آبادمیں ٹرین کی زد میں آئی تھی۔

تفصیلات کے مطابق کی پشاور کے علاقےجوگن شاہ میں گزشتہ رات شیخوپورہ ٹرین حادثے کے شکار انیس سکھ یاتریوں کی میتیں پہنچیں توشہربھرکی فضا سوگوار ہوگئی، جوگن شاہ کے گوردوارے میں دعائیہ تقریب میں شرکت کرنےسکھ برادری کی کثیر تعداد پہنچی، میتیوں کا آخری دیدارکرنے کے بعد اٹک میں آخری رسومات اداکردی گئیں۔

گزشتہ روز شیخوپورہ میں ننکانہ صاحب کی یاترا سے واپس آتے ہوئے سکھ یاتریوں کی بھری ہوئی کوسٹرٹرین کی زدمیں آگئی تھی، جس میں بائیس افرادلقمہ اجل بن گئے تھے، مرنے والوں میں دس خواتین اور ایک بچہ بھی شامل تھا۔

واقعے پروزیراعظم اور آرمی چیف نےاظہارافسوس کرتے ہوئے لواحقین سے تعزیت کا اظہار کیا تھا۔

دوسری جانب وفاقی وزیر پیرنورالحق قادری نے ٹرین حادثےمیں سکھ یاتریوں کی موت پرا ظہار افسوس کرتے ہوئے کہا جانی نقصان پرسکھ برادری کےدکھ میں برابرکےشریک ہیں۔

پیرنورالحق قادری نے متروکہ وقف املاک بورڈکو ہلاک شدگان اور زخمیوں کے لواحقین سےرابطےکی ہدایت کرتے ہوئے کہا مشکل کی گھڑی میں غمزدہ خاندانوں کی ہرممکن مددکی جائے