لاہور:لاہوریوں نے کرونا وائرس کے سامنے بھی زندہ دلی دکھانی شروع کردی:کرونا وائرس بھی ششدر:پولیس بھی مستعد،اطلاعات کے مطابق لاہوریوں کی طرف سے کرونا ایس او پیز کی خلاف ورزی اوربے احتیاطی پرکرونا وائرس بھی شرما گیا،

اس بے احتیاطی اورغیرذمہ داری کی وجہ سے کرونا کیسز میں اضافے کےخطرے کے پیش نظرپولیس نے قانون کوحرکت میں لاکربغیر ماسک 525 مقدمات جبکہ کورونا ایس او پیز کی خلاف ورزی پر 548 مقدمات درج کئے ہیں‌

پولیس کا کہنا ہے کہ کورونا ایس او پیز کی خلاف ورزی 548 جبکہ مجموعی طور پر 1073 مقدمات درج کئے گئے، سٹی ڈویژن میں بغیر ماسک 25 جبکہ کورونا ایس او پیز کی خلاف ورزی پر 101 مقدمات درج کئے گئے،

پولیس حکام کے مطابق کینٹ ڈویژن میں بغیر ماسک 125 جبکہ کورونا ایس او پیز کی خلاف ورزی پر 33 مقدمات درج کئے گئے، جبکہ ماڈل ٹاؤن ڈویژن میں بغیر ماسک 168 جبکہ ایس او پیز کی خلاف ورزی پر 252 مقدمات درج کروائے گئے،

ادھر یہ بھی معلوم ہوا ہے کہ اقبال ٹاؤن میں بغیر ماسک 66 جبکہ کورونا ایس او پیز کی خلاف ورزی پر 69 مقدمات درج کئے گئے، جبکہ سول لائنز ڈویژن میں بغیر ماسک 59 جبکہ کورونا ایس او پیز کی خلاف ورزی پر 46 مقدمات درج کئے گئے،

سی سی پی او کے مطابق صدر ڈویژن میں بغیر ماسک 62 اور کورونا ایس او پیز کی خلاف ورزی پر 148 مقدمات درج کئے گئے، جبکہ شہریوں کے تحفظ کے پیش نظر حکومتی گائیڈ لائنز پر من و عن عملدرآمد کروایا جائے،

ان حالات کے تناظرمیں پولیس، ضلعی حکومت اور محکمہ ہیلتھ کی مشترکہ ٹیمیں بھی تشکیل دے دی گئیں ہیں،جبکہ کورونا ایس او پیز کی مانیٹرنگ کےلیے مشترکہ کنٹرول روم بھی قائم کئے گئے ہیں

سی سی پی او لاہور نے کہاہے کہ بغیر ماسک اور سماجی فاصلوں کو یقینی نہ بنانے والوں کے خلاف کارروائی کی جائے گی، حکومتی اوقات کار کی خلاف ورزی پر بھی سخت کارروائی کی جائے گی

غلام محمود ڈوگر کہتے ہیں‌کہ کورونا وباء میں تشویشناک حد تک اضافہ، احتیاط برتنا ہوگی، ماسک کے استعمال کو یقینی بنانے کیلئے ناکہ بندی بھی کی جائے گی، شہری اپنی اور دوسروں کی حفاظت کیلئے ماسک کے استعمال کو یقینی بنائیں،

Shares: