ریاض :سعودی حکومت نے عمرہ زائرین کے لیے بیت اللہ کے دروازے ایک بارپھربند کردیئے،اطلاعات کے مطابق حج کی ادائیگی کے بعد سعودی حکومت نے ایک بارپھرکروناوائرس سے بچاؤ اور دنیا بھر سے آنے والے عمرہ زائرین کی حفاظت کے پیش نظر بیت اللہ میں عمرے کا سلسلہ عارضی طور پر روک دیا ہے اور کسی بھی شخص کے لئے بیت اللہ کے صحن میں طواف کی اجازت بند کر دی ہے،
سعودی حکومت نے عمرہ زائرین کے لیے بیت اللہ کے دروازے ایک بارپھربند کردیئے pic.twitter.com/3HEmpVT7SM
— Baaghi TV باغی ٹی وی (@BaaghiTV) August 15, 2020
سعودی حکومت کی طرف سے عمرے کی بندش کایہ حکم سعودی شہریوں اور سعودی عرب میں موجود غیر ملکیوں دونوں کے لیےہے
اس سے قبل گذشتہ ماہ 27 فروری کو سعودی حکومت نے کرونا وائرس سے بچاؤ کے لئے عارضی طور پر دنیا بھر سے ارضِ حرمین میں آنے والے عمرہ زائرین کو ویزوں کا اجراء بند کردیا تھا تاہم مکہ مکرمہ اور گرد ونواح میں موجود سعودی اور غیر ملکی شہریوں کو عمرے اور بیت اللہ کےطواف کی اجازت دی گئی تھی ،
ذرائع کےمطابق اس کے بعد حج کے موقع پرسات سو کے لگ بھگ مقامی باشندوں کوحج کی اجازت دی تھی
سعودی حکومت نے ایک ہفتے کے بعد بیت اللہ میں عمرے اور طواف جیسی عظیم عبادت کو عارضی طور مکمل بندکر دیا ہے اور کسی بھی شخص کو عمرے یا طواف کی اجازت نہیں دی جارہی ۔عمرے اور طواف کی بندش کے بعد بیت اللہ کے خدام اللہ کے گھر کی صفائیوں اور کرونا وائرس سے بچاؤ کے لئے سکریننگ کا عمل جاری رکھے ہوئے ہیں
جبکہ بعض ذرائع کا کہنا ہےکہ سعودی حکومت ایک طرف تو یہ دعویٰ کررہی ہےکہ بیت اللہ کے دروازے زائرین کے لیے کھول دیئے ہیں لیکن وہاں سے ملنے والے شواہد بتاتے ہیں کہ فی الحال ایسا نہیں ہے
