لاہور:لاہور کی ایک نجی یونیورسٹی کے گیٹ پرفائرنگ کی وڈیو وائرل ہوئی ہے جس میں یونیورسٹی کے گیٹ پر ایک اسلحہ بردار شخص کو داخل ہوتے دیکھا جاسکتا ہے۔
مسلح شخص کو سکیورٹی گارڈ نے نجی یونیورسٹی میں داخل ہونےسےنہیں روکا، اسلحہ دیکھ کر نجی یونیورسٹی کےگارڈز بھی ایک کمرےمیں چھپ گئے، لوگوں نے مسلح شخص کو نجی یونیورسٹی سے نکالا تو اس نےفائرنگ کردی۔
تفصیلات کےمطابق لاہور یونیورسٹی کے گیٹ پر فائرنگ کرنے والا پولیس کے ہتھے چڑھ گیا،نواب ٹاؤن پولیس نے مرکزی ملزم محمد افضل کو گرفتار کر لیا,ڈی آئی جی آپریشنزڈاکٹر محمد عابد خان نے فوری کارروائی پر ایس پی صدراور نواب ٹاؤن پولیس کو شاباش دی۔یونیورسٹی انتظامیہ کی درخواست پر مقدمہ درج کرلیا گیا جبکہ ملزم حوالات میں بند ہے۔
ملزم کے خلاف 440،147،149 دفعات کے تحت مقدمہ درج کیا گیا،ملزم کو تفتیش کے لئے انویسٹی گیشن ونگ کے حوالے کر دیا گیا۔ڈی آئی جی آپریشنز کاکہناتھا کہ اسلحہ کی نمائش، ہوائی فائرنگ ہرگز قابل برداشت نہیں۔
ڈی آئی جی آپریشنز ڈاکٹر محمد عابد خان نےواقعہ پر نوٹس لیتے ہوئے ایس پی صدر کو ملزم کی فوری گرفتاری کا حکم دیا تھا، ڈاکٹر محمد عابد خان کاکہناتھا کہ ہوائی فائرنگ، اسلحہ کی نمائش،خوف وہراس پھیلانے والوں کے خلاف سخت کارروائی عمل میں لائی جائے گی۔