کورونا ویکسین ختم ہوگئی :لاہورکے3 بڑے سرکاری ہسپتالوں میں صورتحال انتہائی پچیدہ

لاہور:کورونا ویکسین ختم ہوگئی :لاہور کے3 بڑے سرکاری ہسپتالوں میں صورتحال انتہائی پچیدہ،اطلاعات کےمطابق لاہورمیں کورونا سے بچاؤ کی ویکسین لگوانے والوں کا رش بڑھ گیا جس کے باعث 3 بڑے سرکاری ہسپتالوں میں کورونا ویکسین ختم ہو گئی۔

محکمہ صحت کے ذرائع کے مطابق لاہور کے میوہسپتال، جناح اور سروسز ہسپتال میں کورونا ویکسین کا اسٹاک ختم ہوگیا اور ان ہسپتالوں کے کورونا ویکسین سینٹرز کو تالے لگ گئے۔

ادھر ذرائع کے مطابق ویکسی نیشن کیلئے آنے والے ہیلتھ پروفیشنلز بھی واپس چلے گئے۔

حفاظتی ٹیکہ جات پروگرام ( ای پی آئی) حکام کا کہنا ہے کہ لاہور کے سرکاری ہسپتالوں کے سوا کسی ضلع میں ویکسین کی کمی نہیں جبکہ 4 ہزار کورونا ویکسین روزانہ ایکسپو سینٹر بھجوائی جا رہی ہیں۔

محکمہ صحت کے حکام کا کہنا ہے کہ 60 سال اور زائد عمر کے افراد کی کورونا ویکسینیشن کا سلسلہ ایکسپو سینٹر لاہور میں جاری ہے۔