پاکستانکھیل

تیسرا ٹی ٹوئنٹی:انگلینڈ کی ٹاس جیت کر فیلڈنگ، پاکستانی ٹیم میں تین تبدیلیاں

5 سال قبل
5 سال قبل

لندن : تیسرا ٹی ٹوئنٹی:انگلینڈ کی ٹاس جیت کر فیلڈنگ، پاکستانی ٹیم میں تین تبدیلیاں،اطلاعات کےمطابق انگلینڈ نے پاکستان کے خلاف تیسرے ٹی20 میچ میں ٹاس جیت کر پہلے باؤلنگ کا فیصلہ کیا ہے۔مانچسٹر میں کھیلے جا رہے سیریز کے تیسرے اور آخری ٹی20 میچ میں انگلینڈ کے کپتان اوئن مورگن نے ٹاس جیت کر پہلے پاکستان کو بیٹنگ کی دعوت دی۔

انگلینڈ کے کپتان نے کہا کہ یہ ایک نئی وکٹ ہے اور ہم پاکستان کو کم سے کم رنز پر محدود رکھنے کی کوشش کریں گے۔انہوں نے میچ کے لیے ٹیم میں کوئی تبدیلی نہ کرنے کا اعلان بھی کیا۔

 

دوسری جانب پاکستان کے کپتان بابر اعظم نے کہا کہ ٹاس جیتنے کی صورت میں ہم بھی پہلے باؤلنگ ہی کرتے لیکن اب ہم زیادہ سے زیادہ رنز بنانے کی کوشش کریں گے۔انہوں نے پاکستانی ٹیم میں تین تبدیلیوں کا اعلان کرتے ہوئے کہا کہ حیدر علی ڈیبیو کر رہے ہیں جبکہ سرفراز احمد اور وہاب ریاض بھی ٹیم کا حصہ ہیں۔

 

 

 

 

 

پاکستان اورانگلینڈ کے درمیان کھیلے جانے والے اس میچ کے لیے دونوں ٹیمیں ان کھلاڑیوں پر مشتمل ہیں۔

پاکستان: بابر اعظم(کپتان)، فخر زمان، حیدر علی، سرفراز احمد، شعیب ملک، محمد حفیظ، عماد وسیم، شاداب خان، وہاب ریاض، حارث رؤف اور شاہین شاہ آفریدی۔

انگلینڈ: اوئن مورگن(کپتان)، ٹام بینٹن، جونی بیئراسٹو، ڈیوڈ ملان، معین علی، سیم بلنگز، لوئس گریگری، ٹام کرن، کرس جورڈن، عادل راشد اور ثاقب محمود۔

Shares:

مزید خبریں