ٹائیگر فورس کو کچرا اٹھانے کیلئے بلا لیں عظمی بخاری

مسلم لیگ(ن) پنجاب کی ترجمان عظمیٰ بخاری نے فردوس عاشق اعوان کی پریس کانفرنس پر ردعمل دیتے ہوئے کیا ہے کہ فردوس عاشق لاہور کا کچرا اٹھانے کےلیے "ٹائیگر فورس”کو بلالیں، عمران خان کے "شیرو” تبدیلی کے لیے کارآمد ثابت نہیں ہوئے تو ان سے کچرا اٹھانے کا کام لے لیں، عثمان بزدار نے خوبصورت لاہور کو بدصورت شہر بنا دیا ہے، عمران خان لوٹوں کی بارات سے آزاد کشمیر اسمبلی فتح کرنے چلے ہیں، جنرل الیکشن اورگلگت والی تاریخ آزاد کشمیر میں دہرائی جارہی ہے، اب ضمیر فروش امیدوار پی ٹی آئی کے چھتری تلے جمع ہوکر کس منہ سے ووٹ مانگیں گے، آزاد کشمیر کے کونے کونے میں میاں نواز شریف کے نام کی تختیاں لگی ہیں،راجہ فاروق حیدر کی قیادت میں نوازشریف کے شیر ایک بار پھر سرخرو ہونگے، عمران خان نے گلگت بلتستان کے الیکشن سے قبل یہاں کے عوام سے صوبہ بنانے کا جھوٹا وعدہ کیا تھا، گلگت بلتستان میں پی ٹی آئی نے بلند وبانگ دعوے کیے تھے، عمران خان آج گلگت بلتستان جانے کی بجائے ناران کاغان اور مری جاتے ہیں،تبدیلی، سونامی اورنیا پاکستان جھوٹ کے سہارے چل رہا ہے، پاکستان بھر کی عوام نئے پاکستان والوں کے جھوٹ سن سن کر تنگ آچکے ہیں، پاکستان کی عوام آج نوازشریف کا پرانا پاکستان یاد کررہے ہیں.