آج پھرکراچی سندھ حکومت کی عدم توجہ کی وجہ سے پانی پانی ہوگیا

کراچی :آج پھرکراچی سندھ حکومت کی عدم توجہ کی وجہ سے پانی پانی ہوگیا ،اطلاعات کے مطابق کراچی میں بارشوں کا سلسلہ آج پھرشروع ہوچکا اور تازہ ترین صورت حال یہ ہے کہ حکمرانوں کی عدم توجہ کا شکار کراچی اس وقت خون کے آنسورورہا ہے اورحال یہ ہے کہ کرچی شرم سے پانی پانی ہوگیا ہے

کرچی سے ذرائع کے مطابق کل کی طرح آج پھر کراچی میں ایک بار پھر بارش کا سلسلہ شروع ہو گیا ہے۔کراچی کے علاقے ملیر میمن گوٹھ،گلشن حدید، ائیرپورٹ، قائد آباد میں وقفے وقفے سے بادل برس رہے ہیں۔

محکمہ موسمیات نے شہر قائد میں آج بھی گرج چمک کے ساتھ موسلا دھار بارش کی پیشگوئی کر رکھی ہے۔

خیال رہے کہ گزشتہ روز رات بھر وقفے وقفے سے ہونے والی بارش کے باعث کراچی کی سڑکیں جہاں تالاب کا منظر پیش کرنے لگیں وہیں شہر کے مختلف علاقوں میں کرنٹ لگنے سے 4 افراد جان سے بھی ہاتھ دھو بیٹھے ہیں۔