لاہور:آج 27 فروری ہے، ابھی نندن کوبھی یاد ہوگا،چائے حاضرلیکن وہ غلطی نہ دہرانا، مبشرلقمان نے ابھی نندن کوکبھی بھی نہ بھولنے والا سبق یاد کرادیا،باغی ٹی وی کےمطابق پاکستان کے معروف صحافی سنیئرتجزیہ نگارمبشرلقمان نے بھارتی ونگ کمانڈرابھی نندن کونہ بھولنے والا سبق یاد کراتے ہوئے پھرچائے کی پیشکش کردی ہے
باغی ٹی وی کےمطابق مبشرلقمان نے مبشرلقمان یوٹیوب چینل پر27 فروری 2019 کے اس اہم واقعے کا آنکھوں دیکھا حال بیان کرکے پاک فضائیہ کی فتح کی جس طرح تصویرپیش کی ہے وہ بہت ہی دلچسپ اورخوبصورت ہے، مبشرلقمان پاک فضائیہ کی طرف سے بھارتی فضائیہ کے لڑاکا طیاروں کومارگرانے کی منظرکشی کرتے ہوئے کہتے ہیں کہ بھارتی لڑاکاطیاروں کی پاکستان کے اندرگھسنے کی کوشش کو پاک فضائیہ نے جس طرح جواب دیا وہ قابل فخر ہے
مبشرلقمان کہتے ہیں کہ ابھی نندن چائے کےساتھ ساتھ جودو دن چماٹے پڑے ہیں وہ بھی یاد ہوں گے ،انہوں نے کہا کہ جولوگ فضاوں کی جنگ کوجانتے ہیں وہ بہترجانتے ہیں کہ بھارت کوجوسبکی اٹھانا پڑی اس سے بڑھ کراس کی اوررسوائی کیا ہوسکتی ہے
مبشرلقمان نے بھارت اپنی شرمندگی اورشکست پرحواس باختہ ہوگیا اورکبھی کہا کہ پاکستان میں گرنے والا پاکستانی ایف 16 کا کوئی گرا ہوا حصہ دکھا یا ، پھراورکئی کہانیاں گھڑیں ،
مبشرلقمان نے انکشاف کیا کہ بھارت کوپتہ ہونا چاہیے اورپتہ بھی ہےکہ بھارت کا گراہوا جہاز پاکستان میں پڑا ہے، ابھی نندن کی وردی ، ٹوپی اورجس کپ میں اس نے چائے پی تھی وہ بھی ہمارے پاس پڑا ہوا ہے
مبشرلقمان نے اسی حوالے سے ایک اہم بات کا ذکرکرتے ہوئے کہا کہ ابھی نندن نے یہ تو اپنی ایئرفورس کو بتایا ہی ہوگا کہ کتنا اورکس طرح آپ کومارا ہوگا ، آپ کی حواس باختگی کا یہ عالم تھا کہ اپنا ہی ہیلی کاپٹرمارگرا دیا
مبشرلقمان نے کہا کہ 27 فروری کے واقعہ کودیکھ کریہ چیزیں سامنے آئیں کہ پاک فضائیہ بھارتی فضائیہ سے بہت بہترہے، پاک فضائیہ کے ٹیکنیشنز کی صلاحیتیں بہت زیادہ بہترہیں ، پاک فضائیہ ایک بہترین اورکامیاب ترین ایئرفورس ہے، پاک ایئرفورس کے پائیلٹس بھی بہت زیادہ قابل ہیں ، پیشہ وارانہ مہارت رکھتے ہیں
27 فروری کا ذکرکرتے ہوئے مبشرلقمان نے انکشاف کیا کہ جس دن ابھی نندن کوواپس بھارت جاتے ہی نوکری سے فارغ کردیا ، لیکن پھرجب بھارت میں ایک طوفان برپا ہوگیا کہ اس کوکیوں نوکری سے نکالا گیا، جس کے بعد بھارت نے ایک جواز گھڑا کہ چونکہ ابھی نندن زخمی ہوگیا تھا اورچلنے پھرنے کے قابل نہیںرہا تھا جس کی وجہ سے اس کو نوکری سے فارغ کردیا ہے
بھارت کے اس سفید جھوٹ کا پوسٹ مارٹم کرتے ہوئے مبشرلقمان نے انکشاف کیا کہ بھارتی اپنی حکومت کے اس سفید جھوٹ پرپھرحیران ہوگئے ، مبشرلقمان نے کہا کہ جب واہگہ بارڈرپرابھی نندن کوبھارت کے سپرد کرنے کے لیے لے جایا جارہا تھا تووہ اس وقت بالکل صیح تھے ، کسی قسم کی چلنے میںتکلیف نہیں تھی ، لیکن بھارت نے اپنے ونگ کمانڈرکودوسری باررسوا کیا اورنوکری سے نکال باہر مارا، بھارت نے سرجیکل سٹرائیک کا دعویٰ کیا اوربھارت نے جو اپنی کامیابی دکھائی اس میں وہ ایک کوے کومرا ہوا دکھا رہے تھے ، یہ ہے بھارت کی سرجیکل سٹرائیک اوربھارت کی فضائیہ کی اہلیت
مبشرلقمان نے کہا کہ دنیا جانتی ہے کہ 27 فروری کو پاک فضائیہ نے اپنی صلاحیتوں کا لوہا منوایا ، مبشرلقمان نے اس موقع پرابھی نندن کوچائے کی پیشکش کرتے ہوئے کہا کہ جناب ہم تودشمن کوبھی چائے پیش کرتے ہیں ، اگرآپ دوبارہ شاہینوں کوللکارنے کی جرات کریں گے توپھرچائے پیش کی جائے گی
