ترکی نے داعش کے خلاف سمیٹی اہم کامیابی

ترکی نے داعش کے خلاف سمیٹی اہم کامیابی

باغی ٹی وی روپورٹ : ترکی نے داعش کے خلاف اہم کامیابی سمیٹی ہے. ترکی میں پولیس نے جمعرات کے روز اعلان کیا ہے کہ داعش تنظیم سے تعلق کے شبہے میں استنبول شہر میں 20 کے قریب افراد کو گرفتار کر لیا گیا ہے۔ یہ گرفتاریاں نئے سال کی آمد کے موقع پر تقریبات سے قبل شدت پسندوں کے خلاف مہم کے سلسلے میں عمل میں آئی ہیں۔

ترکی پولیس نے منگل اور بدھ کے روز ملک کے سب سے بڑے شہر میں 48 مقامات پر چھاپے مارے۔ کارروائی کے نتیجے میں 20 افراد کو حراست میں لیا گیا جن کے بارے میں شبہہ ہے کہ ان کا تعلق شدت پسند تنظیم (داعش) سے ہے۔

سال 2017 میں 31 دسمبر کی رات استنبول کے ایک نائٹ کلب میں دہشت گرد حملہ کیا گیا تھا جس کے نتیجے میں 39 افراد ہلاک ہو گئے۔ داعش تنظیم نے اس کارروائی کی ذمے داری قبول کی تھی۔