جماعت اسلامی پاکستان کے امیر سینیٹر سراج الحق نے کہا ہے کہ آج ملک کے اندر قادیانیوں کے لیے جگہ بنانے کی کوشش کی جارہی ہے،امریکی صدر ٹرمپ سے قادیانی رہنما سے ملاقات اچانک نہیں ایک منصوبے کے تحت ہوئی ہے،
باغی ٹی وی کی رپورٹ کے مطابق سراج الحق نے عمران خان پر شدید تنقید کرتے ہوئے کہا ہے کہ تبدیلی کا نعرہ دے کر عمران خان اور تحریک انصاف نے سب سے بڑا دھوکا نوجوان کو دیا ہے، انہوں نے کہا کہ میں فتویٰ نہیں دے رہا لیکن عوام سے پوچھتا ہوں کہ یہ حکومت الیکٹڈ ہے یا سلیکٹڈ؟ ان کا کہنا تھا کہ ہر چیز پر ٹیکس لگا دیا گیا ہے عام انسان مہنگائی کے دلدل میں پھنس گیا ہے،
عمران خان کی حکومت آئی نہیں بلکہ لائی گئی ہے،جو لوگ اس حکومت کو لائے ہیں وہ بھی پریشان ہیں،ایک سال کے اندر تو نومولود بچہ بھی چلنے کے قابل ہوجاتا ہے لیکن یہ حکومت ابھی تک اپنے سہارے پر چلنے کے قابل تک نہیں ہوئی، وزیر اعظم عمران خان کو امریکہ جانے سے قبل عوام کو اپنی پالیسی کے بارے میں اعتماد میں لیتے ہوئے بتانا چاہیئے تھا کہ ان کا امریکہ میں ایجنڈا کیا ہے ؟
