تُرک اداکارکا سیلابی صورتحال سے پریشان پاکستانی عوام سے ہمدردی کا اظہار

مسلمانوں کی اسلامی فتوحات پر مبنی شہرہ آفاق تُرک سیریز ’ارطغرل غازی‘ میں عبدالرحمن غازی کا کردار ادا کرنے والے تُرک اداکار جلال نے کراچی سمیت پورے پاکستان میں بارش کے باعث تباہ کن صورتحال پر ہمدردی اور افسوس کا اظہار کیا ہے-

با غی ٹی وی : تُرک اداکار جلال نے سوشل میڈیا ویب سائٹ انسٹاگرام پر اسٹوری میں کراچی سمیت پورے پاکستان میں سیلابی صورتحال میں گھرے ہوئے لوگوں کیلئے دعا کرتے ہوئے لکھا کہ بارش کے نتیجے میں جاں بحق ہونے والوں کیلئے دعائے مغفرت کرتے ہیں-

انہوں نے اردو میں پیغام لکھتے ہوئے کہا کہ سیلاب کی تباہ کاریوں پر پاکستانی قوم سے اظہار ہمدردی کرتے ہیں اور اس مشکل گھڑی میں سیلاب میں جاں بحق ہونے والوں کیلئے اللہ سے مغفرت کی دعا کرتے ہیں۔

تُرک اداکار جلال نے مشکل میں پھنسے پاکستانیوں کے لئے ہمدردی کا اظہار کرتے ہوئے لکھا کہ میری دعائیں اور ہمدردیاں پاکستانیوں کے ساتھ ہیں۔

پاکستان میں ترک سیریز ’ارطغرل غازی‘ کی مقبولیت کے بعد سے اداکار جلال سمیت دیگر تُرک اداکاروں کی جانب سے مختلف مواقعوں پر پاکستانیوں کیلئے پیغامات شیئر کئے جاتے ہیں۔

اس سے قبل جلال نے پاکستان کے یوم آزادی کے موقع پر پاکستانیوں کے لیے خصوصی پیغام شیئر کرتے ہوئے لکھا کہ میرے پاکستانی بہن بھائیو! آپ کو یوم آزادی مبارک ہو اور شہدا پاکستان کو سلام آپ کا برادر ملک ترکی اور ترک عوام ہمیشہ آپ کے شانہ بشانہ کھڑے ہیں-

علاوہ ازیں جلال نے انسٹاگرام اسٹوری پر عبدالرحمن پشاوری کی تصویر شیئر کرتے ہوئے انہیں خراج عقیدت پیش کیا تھا-

ارطغرل کے عبدالرحمٰن الپ کا عبدالرحمن پشاوری کوخراج عقیدت

تُرک فنکاروں کی جانب سے پاکستانیوں کے لئے پیغام