اسلام آباد :ترکش ایئرلائنزنے پاکستانیوں پرپابندی عائد کردی ،اطلاعات کے مطابق پاکستان سے ترکی جانیوالے مسافروں کے لیے کرونا ٹیسٹ لازمی قرار دے دیا گیا،ترکش ائیر لائن انتظامیہ کا کہنا ہے کہ کورونا نیگٹو رپورٹ کے بغیر مسافروں کو بورڈنگ پاس جاری نہیں کیا جائے گا۔
تفصیلات کے مطابق ترکش ائیر لائن نے اپنی پروازوں کیلئے نئی ٹریول ایڈوائزری جاری کردی ، جس میں پاکستان سے ترکی جانیوالے مسافروں کے لیے کرونا ٹیسٹ لازمی قرار دے دیا ۔
ترکش ائیر لائن انتظامیہ کا کہنا ہے کہ پاکستان سے ترکی کے مختلف شہر جانیوالے مسافروں کو 96گھنٹے کے اندر اپنا ٹیسٹ کرانا لازمی ہوگا، 8 اگست سے مسافروں کے ٹیسٹ لازمی قرار دئے گئے ہیں۔
ٹریول ایڈوائزری کے مطابق کراچی ، لاہور اور اسلام آباد سے ترکی جانیوالے مسافروں کو چغتائی لیب، شوکت خانم میموریل اور جیریز ویزا کوویڈ19 ٹیسٹ مینجمنٹ سے لازم قرار دیا گیا ہے۔
ائیر لائن انتظامیہ نے کہا ہے کہ ترکش ایوی ایشن اتھارٹی کی ہدایت پر کورونا ٹیسٹ کی شرط لاگو کی گئی ہیں ،کرونا نیگٹو رپورٹ کے بغیر مسافروں کو بورڈنگ پاس جاری نہیں کیا جائے گا۔ایڈوائزری میں مسافروں کو چیک ان سے قبل کرونا نیگٹو رپورٹ دیکھانا لازمی قراردیا گیا ہے
