لندن: برطانوی پولیس نے وارننگ جاری کی ہے کہ برطانیہ میں خالصتان کے حامیوں کی جان کو بھارت سے خطرات لاحق ہیں-
باغی ٹی وی : عالمی خبررساں ادارے کے مطابق برطانیہ کی انسداد دہشت گردی پولیس نے خالصتان کےحامیوں کوبھارت سےلاحق خطرات سے آگاہ کردیا ہے ویسٹ مڈلینڈز پولیس نے خالصتان کے حامیوں کو جان کو درپیش خطرے کی وارننگ جاری کی ہے، پولیس نے اوتارسنگھ کھنڈاکی موت کی مزید تحقیقات کے مطالبےکے بعد وارننگ جاری کی ہے۔
ترجمان ویسٹ مڈلینڈزپولیس کا کہنا ہےکہ برطانیہ میں جان کو درپیش خطرے کی وارننگ پولیس کے پاس خطرےکی نشاندہی کے ثبوت پر جاری کی جاتی ہے لوگوں کی جان کے خطرےکی معلومات ملنے پر ایکشن لیتے ہیں-
سیستان بلوچستان میں سپاه پاسداران انقلاب کا کرنل مسلح افراد کی فائرنگ سے ہلاک
واضح رہے کہ برطانیہ میں خالصتان تحریک کے لیے سرگرم اوتارسنگھ کھنڈا گزشتہ جون میں پراسرار طور پر انتقال کرگئے تھے، جس کے چند روز بعد سکھ فار جسٹس کےکینڈا چیپٹر کے رہنما ہردیپ سنگھ نجر کو قتل کردیا گیا تھالواحقین کوشبہ ہے کہ اوتارسنگھ کھنڈا کو بھی بھارت نے زہر دے کر ہلاک کیا ہے۔
