کراچی: ایونٹ آرگنائزر ملازمت کیلئے بلائی گئی 150 سے زائد خواتین کے موبائل لےکر فرار

کراچی کے ایک فارم ہاؤس میں مبینہ طور پر جاب ٹریننگ کے لیے آنے والی تقریباً 150 لڑکیوں سے موبائل فون جمع کروا کر فرار ہونے کا واقعہ سامنے آیا ہے۔

تفصیلات کے مطابق گڈاپ سٹی کے علاقے میں قائم فارم ہاؤس پر ملازمت کے لیے بلائی گئی 50 سے زائد خواتین اپنے موبائل فونز سے محروم ہوگئیں۔

اس حوالے سے فارم ہاؤس کے منیجر اشعر انصاری نے ویڈیو بیان میں بتایا کہ میرے فارم ہاؤس پر ایک بکنگ ہوئی تھی جس میں بتایا گیا تھا کہ کو آپریٹو اسٹاف میں 50 سے 55 خواتین ہوں گی, بکنگ وقاص نامی شخص نے کرائی تھی جو کہ فارم پر نہیں آیا تھا تاہم فارم پر آصف یا سلمان نام کا لڑکا آیا تھا اور ان کے ساتھ ایک لڑکی بھی تھی -

مینجر نے بتایا کہ شام کو 5 بجے میں نے ادائیگی کرنے کا کہا جب کہ انہوں ڈیکوریشن کا سامان بھی لیا تھا اورمیرا بل بھی زیادہ تھاجس پر میں نےاسے میسج کیا تو انہوں نے کہا کہ میں پہنچنے والا ہوں جس پر میں نے کیئر ٹیکر سے کہا کہ وہ پہنچنے والے ہیں ان سے ادائیگی کرو ان کا وقت پورا ہوگیا ہے۔

https://x.com/ZarayeNews/status/2105321370032959574?s=20

ادھر متاثرہ خواتین میں سے ایک لڑکی نے اپنے ویڈیو بیان بتایا کہ ہمیں نوکری کا جھانسہ دے کر بلایا گیا ، اس دوران سلمان کی ویڈیو بھی منظر عام پر آئی جس میں وہ گاڑی میں بیٹھی خواتین کو گائیڈ کرتا نظر آرہا ہے۔

https://x.com/ShahidabbasiPk/status/2105373253833564570?s=20

دوسری جانب واقعے کی اطلاع ملتے ہی گڈاپ پولیس نے متاثرہ خواتین کے بیانات قلمبند کرکے مقدمہ درج کرلیا اور کارروائی کرتے ہوئے فارم ہاؤس بک کرانے والے وقاص اور خواتین کو وہاں لانے تک میں معاو نت کرنے والی خاتون نرگس کو گرفتار کرلیا جب کہ سلمان کی گرفتاری کےلیے پولیس چھاپے ماررہی ہے۔