بھارتی بولڈ فیشن ماڈل و اداکارہ عرفی جاوید کسی نہ کسی وجہ سے خبروں میں رہتی ہیں ،زیادہ تر ان کو ان کی بولڈ ڈریسنگ کی وجہ سے جانا جاتا ہے. عرفی جاوید کے حوالے سے خبریں گردش کررہی ہیں کہ انہوں نے منگنی کر لی ہے. عرفی جاوید کی سوشل میڈیا پلیٹ فارمز پر چند تصویریں وائرل ہو رہی ہیں۔ اِن تصویروں میں عرفی جاوید کو سیاہ رنگ کے لباس میں ایک مسٹری مین نامعلوم شخص کے ساتھ دیکھا جا سکتا ہے۔ عرفی جاوید نے اِن تصویروں میں دوپٹہ اوڑھا ہوا ہے اور انہیں کچھ رسومات ادا کرتے ہوئے دیکھا جا سکتا ہے۔
ان وائرل تصویروں سے متعلق بھارتی میڈیا کی جانب سے امکان ظاہر کیا جا رہا ہے کہ عرفی جاوید نے پوشیدہ انداز میں منگنی کر لی ہے۔ بھارتی میڈیا رپورٹس کے مطابق عرفی جاوید کے ساتھ تصویروں میں نظر آنے والا شخص کون ہے اس سے متعلق تو کچھ نہیں کہا جا سکتا۔واضح رہے کہ عرفی جاوید ایک بھارتی مسلمان اداکارہ ہیں جبکہ اِن تصویروں میں انہیں ہندو رسومات ادا کرتے دیکھا جا سکتا ہے۔عرفی جاوید نے تاحال اپنی منگنی کی خبروں کی نہ تصدیق کی ہے نہ ہی تردید کی ہے. لیکن گمان یہی کیا جا رہا ہے کہ عرفی جاوید نے منگنی کر لی ہے.
