امریکہ پرتشدد مظاہروں کی لپیٹ میں88 افراد ہلاک و زخمی
![](https://baaghitv.com/wp-content/uploads/2019/08/4bsk837c3e18381h59y_800C450.jpg)
واشنگٹن : امریکہ میں ہنگامے پھوٹ پڑے ، اطلاعات کے مطابق امریکہ کی مختلف ریاستوں میں فائرنگ کے مختلف واقعات میں 88 افراد ہلاک و زخمی ہو گئے۔فائرنگ کے اعداد و شمار جمع کرنے والے امریکی مرکز کی رپورٹ میں کہا گیا ہے کہ گذشتہ چوبیس گھنٹے کے دوران پنسیلوانیا، کیلیفورنیا، فلوریڈا اور شمالی کیرولائنا سمیت مختلف ریاستوں میں فائرنگ کے 75 واقعات ریکارڈ کیے گئے۔
امریکی ذرائع ابلاغ کی رپورٹ کے مطابق فائرنگ کے مذکورہ واقعات میں کم سے کم 26 افراد ہلاک اور 62 دیگر زخمی ہوئے ہیں۔واضح رہے کہ امریکہ میں فائرنگ کے واقعات میں ہرسال ہزاروں افراد ہلاک اور زخمی ہوجاتے ہیں۔ جبکہ اسلحہ ساز کمپنیوں کی حامی لابی کی مخالفت کے باعث ہتھیاروں کے کنٹرول کا کوئی قانون وضع نہ ہو سکا۔