امریکہ پرغموں کے پہاڑٹوٹ پڑے،پہلے افغانستان اوراب عراق میں امریکی فوجی طیارہ گر کر تباہ

بغداد:امریکہ پرغموں کے پہاڑٹوٹ پڑے،پہلے افغانستان اوراب عراق میں امریکی فوجی طیارہ گر کر تباہ ،اطلاعات کےمطابق عراقی ذرائع ابلاغ نے صوبہ الانبار میں امریکہ کا ایک فوجی طیارے کے گرنے کی خبر دی ہے۔

الاتجاہ ٹی وی نے بدھ کو مقامی ذرائع کے حوالے سے رپورٹ دی ہے کہ امریکی فوج کا سی ستائیس جے اسپارٹن فوجی طیارہ، صوبہ الانبار میں واقع عین الاسد ایئربیس کے قریب گر کر تباہ ہوگیا۔

درایں اثنا الفرات ٹی وی نے بھی رپورٹ دی ہے کہ اس طیارے کے گرنے کے باعث چار امریکی دہشتگرد ہلاک ہوگئے۔اس طیارے کے گرنے کی وجوہات ابھی سامنے نہیں آئی ہیں۔

یاد رہےکہ افغان طالبان نے امریکی فوج کا ایک خصوصی جنگی جہاز مارگرایا ہے جس میں سی آئی اے کے اہلکار مارے گئے ہیں ، پہلے توامریکہ نے اس حادثے کا انکارکیا مگرپھر جب افغان طالبان نے تصاویر جاری کیں تو اس جہازکے گرنے کی تائید بھی کردی تھی