عثمان بزدارنے ڈیرہ غازی خان میں سمارٹ سٹی پراجیکٹ کا افتتاح کردیا
وزیراعلیٰ پنجاب سردارعثمان بزدارنے سینٹرل جیل ڈیرہ غازی خان کا اچانک دورہ کیا ہے، سینٹرل جیل ڈی جی خان کے مختلف بیرکوں کا دورہ کیا ہے، خواتین اورجیونائل بیرکوں کا بھی جائزہ لیا گیا ہے، خواتین اورجیونائل قیدیوں سے صورتحال دریافت کی ہے، بیرکوں میں کولرمیں ٹھنڈے پانی کی فراہمی کا نظام بھی چیک کیا ہے، بیرکوں کے خراب پنکھوں کی فوری مرمت کا حکم دیا گیا ہے، ہربیرک میں ٹی وی لگانے کی ہدایت کی گئی ہے، واش روم وغیرہ میں صفائی کی صورتحال بہتربنانے کا حکم بھی دیا گیا ہے، قیدیوں سے دستیاب سہولتوں کی فراہمی کے بارے میں دریافت کیا گیا ہے.
وزیراعلیٰ عثمان بزدارنے قیدیوں سے گفتگو کرتے ہوئے کہا کہ کھل کربتائیں آپ ہی کے مسائل حل کرنے کیلئے آیا ہوں، قیدیوں سے ملاقات کیلئے آئے عزیزواقارب سے بھی گفتگو کی گئی ہے، جیل میں کوئی آپ سے رشوت تو نہیں لیتا ہے، وزیراعلیٰ نے قیدیوں کے عزیزواقارب سے استفسار کیا ہے، وزیراعلیٰ نے جیل ہسپتال کا بھی دورہ کیا ہے، ادویات اورسہولتوں کی فراہمی کا جائزہ لیا ہے، وزیراعلیٰ نے جیل ہسپتال میں زیرعلاج بیمارقیدیوں کی عیادت کی ہے، قیدیوں کو بنیادی حقوق دینا ریاست کی ذمہ داری ہے، سوا سو سال کے بعد جیل اصلاحات لارہے ہیں، ماضی میں جیلوں کو نظرانداز کیا گیا ہے.
قیدیوں کے عزیزواقارب نے گفتگو کرتے ہوئے کہا کہ نہیں، ہم سے کسی نے رشوت نہیں مانگی ہے.
وزیراعلیٰ پنجاب سردارعثمان بزدارنے پولیس لائنز ڈیرہ غازی خان کا دورہ کیا ہے، پولیس کے چاک و چوبند دستے نے وزیراعلیٰ کو سلامی پیش کی گئی ہے، پولیس شہداء یادگارپرحاضری دی ہے، پھولوں کی چادر چڑھائی ہے، شہداء کے لئے دعا کی اورانہیں خراج عقیدت پیش کیا ہے، ڈیرہ غازی خان سمارٹ سٹی پراجیکٹ کا افتتاح بھی کیا ہے، سمارٹ سٹی پراجیکٹ کے شعبوں کا دورہ کیا ہے، سمارٹ سٹی پراجیکٹ کے بارے میں تفصیلی بریفنگ دی گئی ہے.
وزیراعلیٰ پنجاب سردارعثمان بزدارنے کہا کہ سڑکوں پررش کے اوقات میں ٹریفک مینجمنٹ کیلئے ڈرون کیمرے استعمال کیے جائیں گے، سمارٹ سٹی پراجیکٹ کا دائرہ کار تونسہ سمیت پنجاب کے دوسرے شہروں تک بڑھائیں گے، سمارٹ سٹی پراجیکٹ کیلئے وسائل بھی فراہم کریں گے.
