سی پی او راولپنڈی کے سٹاف آفیسر اور 3 پولیس اسٹیشنز کے ایس ایچ اوز کو ضلع بدر کرنے کے احکامات وزیر اعلیٰ نے جاری کر دیے

راولپنڈی:سی پی او راولپنڈی کے سٹاف آفیسر اور 3 پولیس اسٹیشنز کے ایس ایچ اوز کو ضلع بدر کرنے کے احکامات وزیر اعلیٰ نے جاری کر دیے راولپنڈی سے ممبر صوبائی اسمبلی اور وزیر اعلی انسپکشن ٹیم کے سربراہ اعجاز خان جازی نے لاہور میں وزیر اعلی پنجاب سردار عثمان احمد خان بزدار سے اہم ملاقات، ملاقات میں اعجاز خان جازی نے وزیر اعلی پنجاب کے راولپنڈی کیلئے اہم منصوبوں کے اعلان پر شکریہ ادا کیا اور تعلیم،صحت، پولیس اصلاحات اور عام شہری کے مسائل کے حل کیلئے اپنی تجاویز بھی پیش کی۔

پولیس کو عوام دوست بنانے اور کرپشن کے خاتمےکے لیے راولپنڈی پولیس میں تعینات ایس ایچ اوز کے جرائم پیشہ عناصر سے قریبی تعلقات کی نشاندہی کی جس پر وزیر اعلی پنجاب سردار عثمان احمد خان بزدار نے فوری طور پر سی پی او راولپنڈی کے سٹاف آفیسر مرزا زمان،ایس ایچ او پیرودھائی راجا رشید ایس ایچ او رتہ امرال ملک ساجد اور ایس ایچ او سٹی شفقت محمود کو ضلع بدر کرنے کے احکامات جاری کر دیےہیں ۔وزیر اعلیٰٰٰ پنجاب عثمان بزدار نے محکمہ پولیس سے کرپشن کے خاتمے کا عزم دہراتے ہوئے کہا کہ وہ پولیس اصلاحات پر خصوصی توجہ مرکوز رکھے ہوئے ہیں ۔عثمان بزدار کا کہنا تھا کہ جرائم پیشہ عناصر کی پشت پناہی اور کرپشن میں ملوث پولیس افسران کے خلاف شکایات پر فوری کاروائی کیجائے گی، روایتی پولیس کلچر کا خاتمہ کرکہ پولیس کو عوام دوست بنائیں گے۔ وزیر اعلی نے اعجاز خان جازی کی مثبت تجاویز کو سراہا اور سرکاری اداروں میں بہتری لانے کیلئے تجاویز کے تبادلے پر بھی اتفاق کیا۔

جواب چھوڑیں

آپ کا ای میل ایڈریس شائع نہیں کیا جائے گا.