باغی ٹی وی کی رپورٹ کے مطابق امریکی صدر ڈونلڈ ٹرمپ کے نیشنل سیکیورٹی ایڈوائزر کرونا وائرس کا شکار ہوگئے.
غیرملکی خبررساں ادارے کی رپورٹ کے مطابق امریکی صدر ڈونلڈ ٹرمپ کے نیشنل سیکیورٹی ایڈوائزررابرٹ اوبرائن میں کرونا وائرس کی تشخیص ہوئی ہے، انہوں نے امریکی صدر ڈونلڈ ٹرمپ کے ساتھ دو ہفتے قبل میامی کا سفر کیا تھا.
رابرٹ اوبرائن قومی سلامتی کے مشیر گزشتہ ہفتے یورپ کے دورے سے واپس آئے تھے، وہ کرونا وائرس کی تشخیص کے بعد قرنطینہ میں چلے گئے ہیں. امریکی صدر ڈونلڈ ٹرمپ بھی ایک بار پھر کرونا کا ٹیسٹ کروائیں گے
واضح رہے کہ امریکا میں کرونا سے متاثرہ افراد کی تعداد چالیس لاکھ سے تجاوز کرگئی ہے، امریکا میں کرونا وائرس سے ایک لاکھ پچاس ہزار کے قریب اموات ہوچکی ہیں. امریکی ریآست فلوریڈا میں کرونا وائرس سے متاثرہ افراد کی تعداد نیویارک سے بھی تجاوز کرگئی ہے.
کرونا وائرس سے کس ملک کے فوج کے جنرل کی ہوئی موت؟
کرونا مریضوں کے علاج کیلئے یونیورسٹی آف ہیلتھ سائنسز کو ملی بڑی کامیابی
کرونا کو ووہان وائرس کہنا درست،کرونا انسان کا بنایا ہوا، سابق ایم آئی 6 کے چیف کا دعویٰ
یاد رہے کہ کرونا نے دنیا بھر کو اپنی لپیٹ میں لے رکھا ہے، وائرس سے متاثرہ افراد کی تعداد ڈیڑھ کروڑسے تجاوز کرگئی ہے جبکہ متعدد افراد اپنی جان گنوا بیٹھے ہیں.
