ورون دھون سائوتھ کی فلموں میں کام کرنے کے خواہشمند ہیں؟

ورون دھون اب بالی وڈ میں نئے نہیں رہے، دھون کو سٹوڈنٹ آف دی ایئر سے فلم انڈسٹری میں ڈیبیو کئے 10 سال سے زیادہ ہو چکے ہیں۔ انہوں نے گزشتہ برسوں میں اب 17 سے زیادہ فلموں میں کام کیا ہے، جن میں سے کچھ نے باکس آفس پر کئی ریکارڈز کو توڑا۔ ایک حالیہ پیش رفت میں ورون نے اپنے کیریئر کو وسیع کرنے اور جنوبی سنیما میں بھی کام کرنے کی خواہش ظاہر کی ہے۔ورون اب سائوتھ کی فلموں میں‌کام کرنا چاہتے ہیں. انہوں نے اپنے حالیہ انٹرویو میں کہا ہے کہ اگر لوکیش کناگراج مجھے کسی کردار کی پیشکش کرتے ہیں تو سو فیصد میں ان کے ساتھ ایک تامل فلم کرنا پسند کروں گا۔ انہوں نے مزید کہا کہ اگر ہماری سائوتھ کی فلمیں اچھی چل رہی ہیں اور اچھی بن

رہی ہیں تو ہمیں ایک دوسرے کے ساتھ کام کرنے کی کوشش کرنی چاہیے۔ ہندوستانی فلموں کے لیے اس وقت ترقی کرنا سب سے اچھی بات ہے.یوں ورون دھون نے کھل کر سائوتھ کی فلموں میں‌کام کرنے کی خواہسش کا اظہار کر دیا ہے اب دیکھنا یہ ہے کہ کب ورون ایسی کسی فلم میں نظر آتے ہیں. یاد رہے کہ ورون دھون فلم بیدیا میں اہم کردار ادا کررہے ہیں امر کوش کی ہدایتکاری میں بننے والے یہ فلم ایک کامیڈی ہارر ہے۔ اس کے بعد وہ فلمساز نتیش تیواری کی ایکشن فلم باوال میں جھانوی کپور کے ساتھ کام کریں گے۔