وینزویلا میں فوجی ہیلی کاپٹر گر کر تباہ

کاراکاس: وینزویلا میں فوجی ہیلی کاپٹر گر کر تباہ ہو گیا۔

باغی ٹی وی :غیر ملکی خبر رساں ایجنسی کے مطابق وینزویلا کی ریاست لارا میں روسی ساختہ ایم آئی 17 فوجی ہیلی کاپٹر گر کر تباہ ہوا جس میں چار افراد سوار تھے فوجی ہیلی کاپٹر کے کریش ہوتے ہی آگ لگ گئی۔

ایران کے علاقے تبریز میں جنگی طیارہ گر کر تباہ

روسی ساختہ ہیلی کاپٹر میں سوار 2 اہلکار موقع پر ہی ہلاک ہو گئے جبکہ پائلٹ اور معاون پائلٹ شدید زخمی ہو گئے جنہیں مقامی افراد نے فوری طور پر اسپتال منتقل کر دیا ہیلی کاپٹر حادثے کی وجہ معلوم نہ ہو سکی البتہ وینزویلا کے صدر نے ہیلی کاپٹر گرنے کی تحقیقات کا حکم دے دیا-

حکام کا کہنا ہے کہ ہیلی کاپٹر سرحدی اڈوں پر سپلائی کے مشن میں مصروف تھا کہ حادثے کا شکار ہو گیا۔

سعودی ایئر پورٹ پر ڈرون حملہ،16 غیر ملکی زخمی

قبل ازیں ایران کے علاقے تبریز میں جنگی طیارہ گر کر تباہ ہو گیا تھا جنگی طیارہ تباہ ہونے سے 3 افراد ہلاک ہو گئے تھے ایران میں جنگی طیارہ اسپورٹس ہال اور اسکول کے قریب گرا طیارہ جہاں‌ گرا وہاں آگ لگ گئی ، امدادی ٹیمیں موقع پر پہنچیں اور آگ کو بجھایا گیا،خبر رساں ادارے کے مطابق طیارے میں سوار دو افراد ہلاک ہوئے جبکہ ایک زمین پر چلنے والا شخص طیارہ گرنے کی وجہ سے ہلاک ہوا، تیسرے شخص کی لاش کی ابھی تک شناخت نہیں ہو سکی-

یوکرین تنازع: امریکا،برطانیہ کے بعد جرمنی ،آسٹریلیا اور جاپان کا روس پر پابندیوں کا اعلان