صندل ووڈ ڈرگ اسکینڈل کے معاملے میں پولیس نے بالی وڈ کے نامور اداکار وویک اوبرائے کے گھر پر چھاپہ مارا۔
باغی ٹی وی :بھارتی میڈیا کی رپورٹ کے مطابق صندل ووڈ ڈرگ اسکینڈل کے سلسلے میں بنگلورو پولیس نے ممبئی میں وویک اوبرائے کے گھر پر چھاپہ مارا۔
رپورٹ کے مطابق سی سی بی کے پولیس اہلکاروں نے ممبئی میں موجود اداکار وویک اوبرائے کی رہائش گاہ پر چھاپہ مارا ، جو اس کے بہنوئی آدتیہ آلوا کی تلاش میں تھے جو صندل ووڈ منشیات کے معاملے کا ایک اہم ملزم ہے۔
بنگلور سینٹرل کرائم برانچ (سی سی بی) کی ٹیم نے جمعرات کو بالی ووڈ اداکار وویک اوبرائے کی ممبئی میں ان کے رشتے دار آدتیہ الوا کے سلسلے میں رہائش گاہ پر تلاشی لی۔
آدتیہ آلوا صندل ووڈ منشیات کے معاملے میں ایک اہم ملزم ہیں ، جس کا انکشاف کناڈا کے فلمساز اندراجیت لنکیش نے اگست میں کیا تھا۔ جب سے سی سی بی نے اس کیس کی تحقیقات شروع کی ہیں تب سے آدتیہ مفرور ہے۔
سی سی بی کے مطابق ، انھوں نے عدالتی وارنٹ حاصل کرلیا تھا آدتیہ کی تلاش کے ارادے سے ویوک کی رہائش گاہ کی تلاشی لی ہے-جو پچھلے تین ہفتوں سے فرار ہے۔ تلاشیاں ان اطلاعات کے بعد کی گئیں کہ وہ ممبئی میں وویک اوبرائے کے گھر پر موجود ہیں-
میڈیا رپورٹس کے مطابق اس سے قبل پولیس نے وویک اوبرائے کے برادر نسبتی ادیتیا آلوا کے گھر پر بھی چھاپا مارا تھا تاہم وویک کے گھر پر چھاپہ مارنے سے متعلق پولیس کا کہنا تھا کہ وہ ادیتیا آلوا کے کو تلاش کرنے کے لیے یہاں آئے تھے۔
انھوں نے بتایا کہ ہم عدالت سے وویک کے گھر کی تلاشی کا وارنٹ لینے کے بعد ان کے گھر پر پہنچے تھے بنگلورو پولیس حکام نے یہ بھی بتایا کہ ان کے ہمراہ ممبئی پولیس کے اہلکار بھی موجود تھے۔
بنگلورو پولیس نے اسٹائلش اداکار کے گھر کی تقریباً ڈھائی گھنٹے تک تلاشی لی، جس کے بعد وہ واپس چلے گئی پولیس نے امکان ظاہر کیا کہ وویک ممکنہ طور پر اپنی اہلیہ کے بھائی کی موجودگی کا علم رکھتے ہیں۔
ادیتیا آلوا جو ریاست کرناٹک کے سابق وزیراعلیٰ جیوا رواج آلوا کے بیٹے ہیں۔ 4 ستمبر سے مفرور ہے۔ آلوا کے علاوہ ، شیوا پرکاش چپپی ، اور شیخ فاضل اس معاملے میں اصل ملزم ہیں اور مبینہ طور پر مفرور ہیں۔ کاٹن پیٹ میں درج ایف آئی آر میں ، 12 ملزمان کے نام بتائے گئے اور اب تک ، 12 افراد کو گرفتار کرلیا گیا ہے ، جن میں اداکار راگنی دویدی اور سنجنا گیلانی شامل ہیں۔
